സൗദി അറേബ്യയില്‍ അപകടത്തില്‍പ്പെട്ട്‌ ഗുരുതരാവസ്ഥയിലായ മലപ്പുറം പൊന്നാനി സ്വദേശി റഹ്മത്തുല്ലക്ക്‌ 2,808,385 രൂപ നഷ്‌ട പരിഹാരം നല്‍കാന്‍ ദമ്മാം കോടതിയുടെ ഉത്തരവ്‌. ഒന്നരവര്‍ഷം മുന്‍പ്‌ നടപ്പാതയില്‍ നില്‍ക്കുമ്പോഴാണ്‌ സ്വദേശിയായ യുവാവിന്റെ കാര്‍ നിയന്തണം വിട്ട്‌ മലയാളി യുവാവിനെ തട്ടിത്തെറുപ്പിച്ചത്‌. പോലീസുകാരന്റെ മകനായിരുന്നു സൗദി യുവാവ്‌. ചികിത്സയ്‌ക്കായ്‌ നന്നേ ബുദ്ധിമുട്ടിയിരുന്ന യുവാവിനെ സുഹൃത്തുക്കളും മലയാളി കൂട്ടായ്‌മയും എല്ലാം ചേര്‍ന്നാണ്‌ സഹായിച്ചത്‌.