യു.എ.ഇയില്‍ മൊബൈല്‍-ഡാറ്റ സേവനങ്ങൾ തടസ്സപ്പെടും; മുന്‍കൂറായി ക്ഷമ ചോദിച്ച് ടെലികോം കമ്പനി ഇത്തിസലാത്ത്
മൂന്നു മാസത്തേക്ക് യു.എ.ഇ ടെലികോം കമ്പനിയായ ഇത്തിസലാത്ത് സേവനങ്ങളില്‍ തടസ്സം നേരിടുമെന്ന് കമ്പനി അറിയച്ചതായി റിപ്പോർട്ടുകൾ. തങ്ങളുടെ മൊബൈല്‍ ശൃംഖല നവീകരിക്കുന്നതിനാലാണ് ഉപഭോക്താക്കള്‍ക്ക് ഇത്തരത്തിലൊരു തടസ്സം ഉണ്ടാവുന്നതെന്നാണ് ഇത്തിസലാത്ത് അറിയിച്ചിരിക്കുന്നത്.
മൊബൈല്‍ ഡാറ്റ സേവനങ്ങളില്‍ ഉണ്ടായേക്കാവുന്ന തടസങ്ങള്‍ക്ക് എത്തിസലാത്ത് ഉപയോക്താക്കളോട് മുന്‍കൂറായി ക്ഷമ ചോദിച്ചതായും കമ്പനി പ്രസ്താവനയെ ഉദ്ധരിച്ചുകൊണ്ട് അറബ് മാധ്യമങ്ങള്‍ റിപ്പോര്‍ട്ട് ചെയ്യുന്നു.
ഈ ഒരു കാലയളവ് 5ജി ഡാറ്റ കവറേജ് നവീകരണം, ഇന്റര്‍നെറ്റ് ഓഫ് തിങ്സ് (IoT) തുടങ്ങി നിരവധി പുതിയ സേവനങ്ങള്‍ നല്‍കാൻ കമ്പനിയെ സജ്ജമാക്കും. ഈ സേവനങ്ങള്‍ മൊബൈല്‍ ഡാറ്റ അനുഭവത്തിന്റെ നിലവാരം വര്‍ധിപ്പിക്കുമെന്നും കമ്പനി പ്രസ്താവനയില്‍ പറയുന്നു. അതേസമയം മൂന്ന് മാസത്തെ നവീകരണ കാലയളവിലും മൊബൈല്‍ നെറ്റ്‌വര്‍ക്ക് പ്രവര്‍ത്തിക്കുമെന്നും ഇത്തിസലാത്ത് അറിയിച്ചു.
https://www.facebook.com/Malayalivartha
