വമ്പൻ ഓഫറുകളുമായി ഫ്ലൈ ദുബായുടെ ഔദ്യോഗിക ആപ്പ്
ദുബായിലെ പ്രമുഖ ബജറ്റ് എയര്ലൈനായ ' ഫ്ലൈ ദുബായ് ' യുടെ ഔദ്യോഗിക ആപ്ലിക്കേഷൻ പുറത്തിറങ്ങിയാതായി റിപ്പോർട്ടുകൾ. പുതിയ ആപ്പിലൂടെ ടിക്കറ്റ് ബുക്ക് ചെയ്യുന്നവര്ക്ക് വമ്പൻ ഓഫറുകളാണ് കമ്പനി നൽകിയിരിക്കുന്നത്.
മാര്ച്ച് 31 അര്ദ്ധ രാത്രി വരെ ആപ്പിലൂടെ ബിസിനസ്,എക്കണോമിക് ക്ലാസ് ടിക്കറ്റ് ബുക്ക് ചെയ്യുന്നവര്ക്ക് പത്തു ശതമാനം ഇളവായിരിക്കും ലഭിക്കുക. കൂടാതെ യുഎഇ റെസിഡന്സി വിസ ഉള്ളവര്ക്ക് വിസ ഇല്ലാതെ സഞ്ചരിക്കാന് കഴിയുന്ന അഞ്ചു രാജ്യങ്ങളിലേക്കുള്ള ടിക്കറ്റുകള്ക്കു കൂടുതല് ഇളവുകള് ഈ കാലയളവില് ആപ്പിലൂടെ കമ്പനി വാഗ്ദാനം ചെയുന്നു.
മുൻപ് കമ്പനിയുടെ വ്യാജ ആപ്പ് ഉണ്ടെന്ന പരാതിയെ തുടര്ന്നാണ് ഇത്തരത്തിലൊരു ഔദ്യോഗിക ആപ്പ് ' ഫ്ലൈ ദുബായ് ' പുറത്തിറക്കിയത്. ആന്ഡ്രോയിഡ്, ഐഓഎസിലും ഒരുപോലെ ലഭ്യമായ ആപ്പില് ടിക്കറ്റ് ബുക്കിങ്ങിനു പുറമെ, ടിക്കറ്റ് മാനേജിങ്, ന്യൂ അപ്ഡേറ്സ് എന്നീ സൗകര്യങ്ങളും സജ്ജീകരിച്ചിട്ടുണ്ട്.
https://www.facebook.com/Malayalivartha