പ്രവാസികൾക്കിടയിൽ പ്രമേഹവും, ചര്‍മ്മ രോഗങ്ങളും സർവ്വസാദാരണമാകുന്നു; ബോധവൽക്കരണ ക്യാമ്പുമായി ആസ്റ്റര്‍ വോളന്‍റിയേഴ്സ്
ദുബായിലെ സാധാരണക്കാരായ തൊഴിലാളികള്‍ക്കിടയില്‍ അസുഖങ്ങൾ വർദ്ധിച്ചു വരുന്നതായി റിപ്പോർട്ടുകൾ. പ്രമേഹം, ഫംഗസ് അണുബാധ, ഹൈപ്പര്‍ടെന്‍ഷന്‍, കാഴ്ചക്കുറവ് ,ഓര്‍ത്തോപീഡിക് ഡിസോര്‍ഡേഴ്സ് തുടങ്ങിയ അസുഖങ്ങൾ തൊഴിലാളികളിൽ കൂടുതലായി കാണപ്പെടുന്നെന്നാണ് പഠനങ്ങൾ വ്യക്തമാക്കുന്നത്.
ലോകാരോഗ്യ ദിനത്തില്‍ മുന്നോട്ടുവെച്ച ആസ്റ്റര്‍ വോളന്‍റിയേഴ്സ് മെഗാ മെഡിക്കല്‍ ക്യാമ്പിലെ മെഡിക്കല്‍ വിദഗ്ദ്ധരും, സന്നദ്ധപ്രവര്‍ത്തകരും തൊഴിലാളികള്‍ക്കിടയില്‍ ഇത്തരം രോഗങ്ങളെക്കുറിച്ച്‌ ബോധവല്‍ക്കരണം നടത്തി.
ഇന്ത്യ, പാക്കിസ്ഥാന്‍, ബംഗ്ലാദേശ്, നേപ്പാള്‍ എന്നിവിടങ്ങളില്‍ നിന്നുള്ള 20 ഡോക്ടര്‍മാരും മന്‍ഖൂല്‍ ആസ്റ്റര്‍ ഹോസ്പിറ്റല്‍ , ആസ്റ്റര്‍ ആന്‍ഡ് അക്സസ് ക്ലിനിക്കസ്, ആസ്റ്റര്‍ ഫാര്‍മസി, മെഡ്കെയര്‍ ആശുപത്രി എന്നിവിടങ്ങളില്‍ നിന്നും മെഡിക്കല്‍ വിഭാഗത്തിലെ ആളുകളും പങ്കെടുത്തു.
ആസ്റ്റര്‍ ഡിഎം ഹെല്‍ത്ത് കെയര്‍ സിഎസ്‌ആര്‍ സംവിധാനമായ അസ്റ്റര്‍ വോളണ്ടിയര്‍, സാമൂഹിക വികസന അതോറിറ്റിയുടെ (സി.ഡി.എ) അംഗീകാരമുള്ള മറ്റൊരു സന്നദ്ധസംഘടന മോഡല്‍ സര്‍വീസ് സൊസൈറ്റി (എംഎസ്‌എസ്) എന്നിവരാണ് ക്യാമ്പ് സംഘടിപ്പിച്ചത്.
ഫംഗല്‍ അണുബാധകളും അലര്‍ജികളും തൊഴിലാളികള്‍ക്കിടയില്‍ വളരെ സാധാരണമാണ്. പൊടിയും രാസവസ്തുക്കളും നിരന്തരം ശരീരത്തില്‍ പതിക്കുമ്പോഴാണ് ഇത്തരം അസുഖങ്ങള്‍ ഉണ്ടാകുന്നതെന്ന് ഡോക്ടര്‍ രാജേഷ് കുമാര്‍ പറഞ്ഞു.
പതിവ് ആരോഗ്യ ക്യാമ്പുകളിൽ നിന്ന് വ്യത്യസ്തമായി, മെഡിക്കല്‍ സെന്റര്‍, ഡെര്‍മറ്റോളജി, പള്‍മോണോളജിക്കല്‍, ഗാസ്ട്രോഎന്‍റോളജി എന്നിവ ഉള്‍പ്പെടെയുള്ള വൈവിധ്യമാര്‍ന്ന സൂപ്പര്‍ സ്പെഷ്യാലിറ്റി ഡോക്ടര്‍മാരെ ഈ ക്യാമ്പിൽ പങ്കെടുപ്പിച്ചതായും ആസ്റ്റര്‍ ഡി.എം ഹെല്‍ത്ത്കെയര്‍ സ്ഥാപക ചെയര്‍മാനും മാനേജിംഗ് ഡയറക്ടറുമായ ഡോ. ആസാദ് മൂപ്പന്‍ അഭിപ്രായപ്പെട്ടു.
https://www.facebook.com/Malayalivartha
