ലുലുവിലെ വൗച്ചറിന്റെ പേരിൽ വ്യാജ സന്ദേശങ്ങൾ; തട്ടിപ്പിൽ നഷ്ടമായത് ബാങ്കിലുള്ള ലക്ഷങ്ങൾ
ലുലു ഹൈപ്പര്മാർക്കറ്റ് ഉപഭോക്താക്കൾക്കായി ജാഗ്രതാ സന്ദേശം അറിയിച്ചതായി റിപ്പോർട്ടുകൾ. തങ്ങളുടെ ഗിഫ്റ്റ് വൗച്ചറിന്റെ പേരില് ഫോണുകളില് സന്ദേശങ്ങളോ, കോളോ വന്നാല് അതിന് പ്രതികരിയ്ക്കരുതെന്നും ദയവായി ചതിയും പെടാതിരിക്കുകയെന്നുമാണ് ലുലുവിന്റെ സന്ദേശം.
ലുലു ഹൈപ്പര്മാര്ക്കറ്റില് നിന്നും സാധനങ്ങള് വാങ്ങുന്ന ഉപഭോക്താക്കള്ക്ക് ഗിഫ്റ്റ് വൗച്ചര് നല്കുന്ന രീതിയുണ്ട്. ഈ വൗച്ചറിനെ ആധാരമാക്കിയാണ് തട്ടിപ്പ് നടത്തി വന്നിരുന്നത്. ലുലുവിൽ നിന്നും അയക്കുന്ന സന്ദേശമെന്നവണ്ണം ഉപഭോകതാക്കളുടെ ഫോണിലേക്ക് വരുന്ന സന്ദേശങ്ങളിൽ പേഴ്സണല് വിവരങ്ങളും , ബാങ്ക് വിവരങ്ങളും അയച്ചു നല്കാൻ പറയുന്നു.
ഉപഭോക്താക്കളുടെ ഫോണില് വരുന്ന മെസ്സേജ് ഇങ്ങനെ...
ലുലു ഹൈപ്പര് മാര്ക്കറ്റിന്റെ പതിനെട്ടാമത് വാര്ഷിക ദിനത്തോടനുബന്ധിച്ച് ലുലുവില് നിന്ന് ലഭിയ്ക്കുന്ന 500 ദിര്ഹത്തിന്റെ ഗിഫ്റ്റ് വൗച്ചറില് നിങ്ങള്ക്ക് ലക്ഷങ്ങളുടെ സമ്മാനം ലഭിച്ചിരിക്കുന്നു. എത്രയും പെട്ടെന്ന് നിങ്ങളുടെ പേഴ്സണല് വിവരങ്ങളും , ബാങ്കിംഗ് ഡിറ്റെയില്സും അയച്ചു തരണമെന്ന് അറിയിക്കുന്നു.
അതേസമയം ലുലു ഹൈപ്പര് മാര്ക്കറ്റിന്റെ പേരിലുള്ള സന്ദേശം ആയതിനാല് ആരും സംശയിക്കാതെ തങ്ങളുടെ ബാങ്ക് വിവരങ്ങളും പേഴ്സണല് വിവരങ്ങളും അയച്ചു കൊടുത്തു. എന്നാല് ബാങ്കില് നിന്നും ലക്ഷങ്ങള് പിന്വലിച്ച സന്ദേശങ്ങള് ഫോണിലെത്തിയപ്പോഴാണ് ഉപഭോക്താക്കള് കാര്യമറിയാന് ലുലു ഹൈപ്പര് മാര്ക്കറ്റിനെ സമീപിച്ചത്. ഇതോടെയാണ് തട്ടിപ്പിന്റെ വിവരങ്ങള് പുറത്തുവന്നത്.
https://www.facebook.com/Malayalivartha