അതീവ സുരക്ഷയുളള റിയാദിലെ സല്മാന് രാജകുമാരന്റെ കൊട്ടാരത്തിന് സമീപത്തായി ഡ്രോണ് ചുറ്റി കറങ്ങി; സൈന്യം വെടിവച്ചിട്ടു...
സൗദി അറേബ്യയില് രാജകൊട്ടാരത്തിന് തൊട്ടടുത്തതായി ചുറ്റി കറങ്ങിയ ഡ്രോണ് സൈന്യം വെടിവച്ചിട്ടു. അതീവ സുരക്ഷയുളള റിയാദിലെ സല്മാന് രാജകുമാരന്റെ കൊട്ടാരത്തിന് സമീപത്തായാണ് ദുരൂഹത വർദ്ധിപ്പിച്ച് ഇന്നലെ രാത്രി 8 മണിയോടെ ഡ്രോണ് കണ്ടത്.
ഡ്രോണ് പറന്നുപോകുന്നത് ശ്രദ്ധയില്പ്പെട്ട സൈന്യം വെടിവച്ചിടുകയായിരുന്നുവെന്ന് റിയാദ് പൊലീസ് വക്താവ് പറഞ്ഞു. അതേസമയം, അതീവ സുരക്ഷയുളള രാജ കൊട്ടാരത്തിന് അടുത്ത് ഡ്രോണ് വന്നത് എങ്ങനെയെന്ന് അന്വേഷണം തുടങ്ങിയതായി സൗദി പൊലീസ് വക്താവ് അറിയിച്ചു.
ഈ സമയം സല്മാന് രാജകുമാരന് കൊട്ടാരത്തില് ഉണ്ടായിരുന്നില്ല. ദിരിയയിലെ അദ്ദേഹത്തിന്റെ ഫാമിലായിരുന്നുവെന്ന് മുതിര്ന്ന ഉദ്യോഗസ്ഥന് പറഞ്ഞതായി റോയിട്ടേഴ്സ് റിപ്പോര്ട്ട് ചെയ്തു. സൈന്യം വെടിവയ്ക്കുന്നതിന്റെ വീഡിയോ സമൂഹമാധ്യമങ്ങളില് വ്യാപകമായി പ്രചരിക്കുന്നുണ്ട്.
https://www.facebook.com/Malayalivartha