തബൂക്കിനടുത്ത്​ അഖബ കടലിൽ വന്‍ മയക്കുമരുന്ന് ശേഖരം പിടികൂടിയതായി റിപ്പോർട്ടുകൾ. സൗദി തീരം തേടി വന്‍ മയക്കുമരുന്ന്​ ശേഖരവുമായി ബോട്ടിലെത്തിയ സംഘത്തെ പിടികൂടുകയും തുടർന്ന് കണ്ടുകെട്ടുകയും ചെയ്തു.

28 ലക്ഷത്തിലേറെ ആംഫിറ്റമിന്‍ ഗുളികകളും ഒന്നരകിലോ കറുപ്പുമാണ്​ പിടിച്ചെടുത്തതെന്നു അധികൃതർ അറിയിച്ചു​. അധോലോക വിപണിയില്‍ വന്‍ വിലവരുന്നതാണ്​ കറുപ്പ്​.

സൗദി നാവിക അതിര്‍ത്തി കടന്നെത്തിയ ബോട്ടിനെ തീരസംരക്ഷണസേന പിന്തുടര്‍ന്ന്​ പിടികൂടുകയായിരുന്നുവെന്ന്​ അതിര്‍ത്തി രക്ഷാസേന വക്​താവ്​ കേണല്‍ സാഹിര്‍ ബിന്‍ മുഹമ്മദ്​ അല്‍ഹാര്‍ബി പറഞ്ഞു. ബോട്ടിലുണ്ടായിരുന്ന രണ്ടു ഇൗജിപ്​തുകാരെയും കരയില്‍ കാത്തുനിന്ന രണ്ടു സൗദി പൗരന്‍മാരെയും അറസ്​റ്റ്​ ചെയ്​തിട്ടുണ്ട്​. പിടിയിലായവരെ തുടര്‍ നടപടികള്‍ക്കായി ബന്ധപ്പെട്ട വകുപ്പുകള്‍ക്ക്​ കൈമാറി.