ഇനി മുതൽ മസ്കറ്റ് അ​ന്താ​രാ​ഷ്​​ട്ര വി​മാ​ന​ത്താ​വളത്തിൽ പിഴയടക്കാനായി കൗ​ണ്ട​റി​ല്‍ ക്യൂ നിന്ന് ബുദ്ധിമുട്ടേണ്ടതില്ല. വി​മാ​ന​ത്താ​വ​ളം വ​ഴി യാ​ത്ര ചെ​യ്യു​ന്ന​വ​ര്‍​ക്ക് പി​ഴ​യ​ട​ക്കാ​നും അ​ന്വേ​ഷ​ണ​ങ്ങ​ള്‍​ക്കും ഇ​ല​ക്​​ട്രോ​ണി​ക്​ രീ​തി​യി​ല്‍ സാ​ധ്യ​മാ​കു​ന്ന ഇ​ല​ക്​​ട്രോ​ണി​ക് കിയോസ്​ക്​​ ഉ​പ​ക​ര​ണ​ങ്ങ​ള്‍ വി​മാ​ന​ത്താ​വ​ള​ത്തി​ല്‍ സ്​​ഥാ​പി​ച്ചു കഴിഞ്ഞതായാണ് റിപ്പോർട്ടുകൾ.

റോ​യ​ല്‍ ഒ​മാ​ന്‍ പൊ​ലീ​സ്​ ഒ​മാ​ന്‍ അ​റ​ബ്​ ബാ​ങ്കു​മാ​യി ചേ​ര്‍​ന്നാ​ണ്​ ഇ​ത്​ സ്​​ഥാ​പി​ച്ച​ത്. ട്രാ​ഫി​ക്​ പി​ഴ​ക​ള്‍, ജി.​സി.​സി പി​ഴ​ക​ള്‍, മു​നി​സി​പ്പാ​ലി​റ്റി നി​യ​മ ലം​ഘ​ന​ങ്ങ​ള്‍​ക്കു​ള്ള പി​ഴ​ക​ള്‍ എ​ന്നി​വ ഇ​തു​വ​ഴി അ​ട​ക്കാ​ന്‍ സാ​ധി​ക്കും. പൊ​തു​ജ​ന​ങ്ങ​ള്‍​ക്കു​ള്ള സേ​വ​ന​ങ്ങ​ള്‍ സു​ഗ​മ​മാ​ക്കു​ന്ന​തി​ന്റെ ഭാ​ഗ​മാ​യാ​ണ്​ പു​തി​യ സം​വി​ധാ​നം സ്​​ഥാ​പി​ച്ചി​രി​ക്കു​ന്ന​തെ​ന്ന്​ റോ​യ​ല്‍ ഒ​മാ​ന്‍ പൊ​ലീ​സ്​ അ​റി​യി​ച്ചു.

മൂ​ന്ന്​ ഉ​പ​ക​ര​ണ​ങ്ങ​ള്‍ ഇ​തി​ന​കം സ്​​ഥാ​പി​ച്ചി​ട്ടു​ണ്ട്. ഒ​ന്ന്​ ഡി​പ്പാ​ര്‍​ച്ച​ര്‍ കെ​ട്ടി​ട​ത്തി​​ന്റെ ആ​ദ്യ ഹാ​ളി​ലും ര​ണ്ടാ​മ​ത്തേ​ത്​ വി​സ കാ​ന്‍​സ​ലേ​ഷ​ന്‍ ഹാ​ളി​ലും മൂ​ന്നാ​മ​ത്തേ​ത്​ പാ​സ്​​പോ​ര്‍​ട്ട്​ കൗ​ണ്ട​റു​ക​ള്‍​ക്കും ഇ-​ട്രാ​വ​ല്‍ ഗേ​റ്റു​ക​ള്‍​ക്കും സ​മീ​പ​മാ​ണ്​.

ഒ​മാ​നി​ല്‍ താ​മ​സി​ക്കു​ന്ന വി​ദേ​ശി​ക​ള്‍​ക്ക്​ ഇ​തി​ല്‍ സി​വി​ല്‍ ഐഡി​യി​ലെ നമ്പർ ന​ല്‍​കി​യാ​ല്‍ മ​തി. ടൂ​റി​സ്​​റ്റ്, വി​സി​റ്റി​ങ്​ വി​സ​ക​ളി​ലു​ള്ള​വ​ര്‍​ക്ക്​ വി​സാ നമ്പർ ന​ല്‍​കി​യാ​ല്‍ പി​ഴ​യെ കു​റി​ച്ച്‌​ അ​റി​യാ​ന്‍ ക​ഴി​യും. കാ​ഷ്​ പേയ്‌മെന്റുകളും കാ​ര്‍​ഡ്​ ഉ​പ​യോ​ഗി​ച്ചു​ള്ള പേയ്‌മെന്റുകളും ഇ​തി​ല്‍ സാ​ധ്യ​മാ​കും.