നടക്കുമ്പോൾ തുടർച്ചയായി കാലിൽ തളര്‍ച്ചയും വൈദ്യുതാഘാദം ഏല്‍ക്കുന്നത് പോലെയും തോന്നിയ യുവതി ആശുപത്രിയില്‍. 35 കാരിയായ ഫ്രഞ്ച് യുവതിക്കാണ് സംഭവം. മൂന്ന് മാസങ്ങള്‍ക്ക് മുന്‍പ് ഇവര്‍ കുതിരപ്പുറത്തുനിന്നും വീണിരുന്നു ഇതിനെത്തുടര്‍ന്നാണ് ഇത്തരത്തില്‍ അസ്വഭാവികമായ അനുഭവങ്ങള്‍ ഉണ്ടാകുന്നത്.

പരിശോധനകളുടെ ഭാഗമായി നടത്തിയ എംആര്‍ഐ സ്‌കാനിലാണ് ഷോക്കിന്റെ പിന്നിലുള്ള സത്യാവസ്ത പുറത്തുവന്നത്. നട്ടെല്ലിനുള്ളിലുള്ള ഒരു വിരയാണ് ഇതിന് കാരണം സാധാരണയായി നായകള്‍ക്കും ആടിലും കാണാറുള്ള ഒരു തരം വിരയാണിതിന് കാരണം.

സാധാരണയായി ഇത്തരം വിരകള്‍ മനുഷ്യരുടെ ശരീരത്തില്‍ എത്താറില്ല. എന്നാല്‍ ജലത്തിലൂടെയോ ഭക്ഷണത്തിലൂടെയോ ഇത് അപൂര്‍വ്വമായി എത്താറുണ്ട്. മൃഗങ്ങളോട് അടുത്തിടപെഴുകുന്നവരിലും ഇത് കണ്ടേക്കാമെന്നാണ് കരുതുന്നത്.

പേര് വെളിപ്പെടുത്താത്ത ഈ യുവതിയുടെ ശരീരത്തില്‍ നിന്നും ഈ വിരയെ പുറത്തെടുത്തത്. നട്ടെല്ലിലൂടെ വിര ക്രമേണ നാഡിവ്യവസ്ഥയേയും ബാധിച്ചേക്കാം. ഇതല്ലെങ്കില്‍ എല്ലുകള്‍, വൃക്കകള്‍, കണ്ണുകള്‍ എന്നിവയെ ബാധിച്ചേക്കാം. പിന്നീട് ഇത് മരണത്തില്‍ വരെ കലാശിച്ചേക്കാം.

പാരീസില്‍ നിന്നും 180 മൈല്‍ അകലെയുള്ള ഡിജിയോണിലെ ആശുപത്രിയിലാണ് യുവതി ചികിത്സയ്ക്കായെത്തിയത്.