ബാങ്കോക്കിലെ താം ​ലു​വാ​ങ്​ ​ഗു​ഹ​യി​ൽ നിന്ന് രക്ഷപ്പെട്ട് ചികിത്സയിലയിരുന്ന 12 കുട്ടികളും ഫുട്ബോൾ കോച്ചും ആശുപത്രി വിട്ടു. അല്‍പ്പസമയത്തിനകം കുട്ടികളും കോച്ചും മാധ്യമങ്ങളെ കാണുമെന്ന് തായ് സർക്കാർ അറിയിച്ചു.

12 കുട്ടികളും ഫുട്ബോള്‍ കോച്ചും കഴിഞ്ഞ മാസം 23നാണ് ഗുഹയില്‍ കുടുങ്ങിയത്. സാഹസിക യാത്രയുടെ ഭാഗമായി ഗുഹയില്‍ കയറിയ 13 അംഗ സംഘം കനത്ത മഴയെ തുടര്‍ന്നാണ് ഗുഹയിലകപ്പെട്ടത്. 10 ദിവസത്തിന് ശേഷമാണ് ഇവര്‍ ഗുഹയില്‍ കുടുങ്ങിയെന്ന് സ്ഥിരീകരിച്ചത്. തുടര്‍ന്ന് വിവിധ രാജ്യങ്ങളിലെ രക്ഷാസേനകളുടെ സഹായത്തോടെ രക്ഷാപ്രവര്‍ത്തനം തുടങ്ങി. ഇടുങ്ങിയ ഗുഹാ വഴിയിലൂടെ വി​ദേ​ശ​ത്തു​ നി​ന്നു​ള്ള സ്‌​കൂ​ബാ മു​ങ്ങ​ൽ വി​ദ​ഗ്ധ​രും അ​ഞ്ച് താ​യ്‌​ല​ന്‍ഡ് നാ​വി​ക​സേ​നാം​ഗ​ങ്ങ​ളും അ​ട​ക്കം 18 അം​ഗ സം​ഘ​മാ​ണ് രക്ഷാദൗത്യത്തിൽ പങ്കാളികളായത്. അതേസമയം രക്ഷാപ്രവര്‍ത്തനത്തിനിടെ ഓക്സിജന്‍ തീര്‍ന്ന് തായ് നാവിക സേനാംഗം സമന്‍ പുനന്‍ മരണപ്പെട്ടിരുന്നു.

ഗു​ഹാ​വാ​സ​ത്തി​നു​ ശേ​ഷം ര​ക്ഷ​പ്പെ​ട്ട ‘വൈ​ൽ​ഡ്​ ബോ​ർ​സ്​’ ടീം ​അം​ഗ​ങ്ങ​ളാ​യ 12 കു​ട്ടി​ക​ളു​ടെ​യും കോ​ച്ചി​​ന്‍റെയും ആ​രോ​ഗ്യ നി​ല​യി​ൽ അ​ധി​കൃ​ത​ർ തൃ​പ്​​തി രേ​ഖ​പ്പെ​ടു​ത്തി​യിരുന്നു. കു​ടും​ബ​ത്തി​​ന്‍റെയും മാ​താ​പി​താ​ക്ക​ളു​ടെ​യും കൂ​ടെ കൂ​ടു​ത​ൽ സ​മ​യം ചെ​ല​വി​ടാ​ൻ ആ​വ​ശ്യ​പ്പെ​ട്ട കു​ട്ടി​ക​ളോ​ട്​ മാ​ധ്യ​മ​ങ്ങ​ളി​ൽ​ നി​ന്ന്​ വി​ട്ടു​നി​ൽ​ക്കാ​നും ആ​വ​ശ്യ​പ്പെ​ട്ടി​ട്ടു​ണ്ട്.