അമേരിക്കൻ ടെക് ഭീമനായ ഗൂഗിളിന്​ യുറോപ്യന്‍ യൂണിയൻ വൻ പിഴ ചുമത്തിയാതായി റിപ്പോർട്ടുകൾ. വിശ്വാസലംഘനം നടത്തിയെന്നാരോപിച്ചാണ് ഗൂഗിളിന് 500 കോടി ഡോളര്‍ പിഴയടയ്ക്കാൻ യൂറോപ്യന്‍ യൂണിയൻ വിധിച്ചത്.

ആന്‍ഡ്രോയിഡ്​ വിപണിയിലെ ആധിപത്യം വിപണിയിലെ മറ്റുള്ളവരെ മറികടക്കാന്‍ ശ്രമിച്ചുവെന്നാണ്​ ആരോപണത്തിലാണ്​ യുറോപ്യന്‍ യൂണിയന്‍ ഗൂഗിളിനെതിരെ നടപടിയെടുത്തിരിക്കുന്നത്​. ആന്‍ഡ്രോയിഡ്​ വഴി സ്വന്തം ആപ്പുകള്‍ ഇന്‍സ്​റ്റാള്‍ ചെയ്യാന്‍ നിര്‍ബന്ധിച്ചുവെന്നാണ്​ ഗൂഗിളിനെതിരായ പ്രധാനമായ ആരോപണം.

ഉദാഹരണമായി പ്ലേ സ്​റ്റോര്‍ ഉപയോഗിക്കണമെങ്കില്‍ ഗൂഗിളിന്റെ തന്നെ സെര്‍ച്ച്‌​ എന്‍ജിനും ബ്രൗസര്‍ ആപും നിര്‍ബന്ധമായും ഇന്‍സ്​റ്റാള്‍ ചെയ്​തിരിക്കണം. ഇത്തരത്തില്‍ വിപണിയിലെ ആധിപത്യം ഉപയോഗിച്ച്‌​ സ്വന്തം ആപ്പുകള്‍ ഗൂഗിള്‍ പ്രചരിപ്പിച്ചുവെന്നായിരുന്നു പരാതി.

കണക്കുകളനുസരിച്ച്‌​ ലോകത്തെ മൊബൈല്‍ ഫോണുകളില്‍ 76.99 ശതമാനത്തിലും ഉപയോഗിക്കുന്നത്​ ആന്‍ഡ്രോയിഡ്​ സോഫ്​റ്റ്​വെയറാണ്​. ​18.91 ശതമാനം ആളുകള്‍ ​ആപ്പിളി​ന്റെ ഐ.ഒ.എസ്​ സോഫ്​റ്റ്​വെയര്‍ ഉപയോഗിക്കുന്നു. 0.47 ശതമാനം പേര്‍ മാത്രമാണ്​ വിന്‍ഡോസ്​ ​സോഫ്​റ്റ്​വെയര്‍ ഉപയോഗിക്കുന്നത്​.