രാജ്യ തലസ്ഥാനത്ത് സൈനികരെ അഭിസംബോധന ചെയ്ത് സംസാരിക്കുന്നതിനിടെ വെനസ്വേലന് പ്രസിഡന്റ് നിക്കോളാസ് മഡൂറോയ്ക്ക് നേരെ ഡ്രോണാക്രമണം
രാജ്യ തലസ്ഥാനത്ത് സൈനികരെ അഭിസംബോധന ചെയ്ത് സംസാരിക്കുന്നതിനിടെ വെനസ്വേലന് പ്രസിഡന്റ് നിക്കോളാസ് മഡൂറോയ്ക്ക് നേരെ ഡ്രോണാക്രമണം. സൈന്യത്തിന്റെ 81ാം വാര്ഷികാഘോഷ പരിപാടിക്കിടെയായിരുന്നു ആക്രമണമുണ്ടായത്. ആക്രമണത്തില് പരിക്കേല്ക്കാതെ പ്രസിഡന്റ് രക്ഷപ്പെട്ടു. എന്നാല് ഏഴ് സൈനികര്ക്ക് പരിക്കേറ്റിട്ടുണ്ട്.
പ്രസിഡന്റ് സംസാരിക്കുന്നതിനിടെ സ്ഫോടനശബ്ദം കേള്ക്കുന്നതും സൈനികര് ചിതറിയോടുന്നതുമാണ് പുറത്തുവന്ന വീഡിയോയില് കാണാന് കഴിയുന്നത്.
സൈനികര് മഡൂറോയ്ക്ക് ചുറ്റും കവചം തീര്ക്കുന്നതും കാണാം. അതേസമയം, ആക്രമണത്തെ കുറിച്ചുള്ള സര്ക്കാര് ഭാഷ്യം തെറ്റാണെന്ന് പ്രാദേശികവൃത്തങ്ങള് പറഞ്ഞതായി റിപ്പോര്ട്ടുകളുണ്ട്.
പരിപാടി നടക്കുന്ന വേദിക്ക് സമീപമുള്ള അപാര്ട്ട്മെന്റില് ഗ്യാസ് സിലിണ്ടര് പൊട്ടിത്തെറിക്കുകയായിരുന്നെന്നാണ് ഈ റിപ്പോര്ട്ടില് പറയുന്നത്. സ്ഫോടനത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല.
സാമ്പത്തിക മാന്ദ്യത്തില് അകപ്പെട്ടിരിക്കുന്ന വെനസ്വേലയില് നിക്കോളാസ് മഡൂറോയുടെ രാജി ആവശ്യപ്പെട്ട് പ്രതിപക്ഷകക്ഷികള് പ്രതിഷേധത്തിലാണ്. ഈ സാഹചര്യത്തില് ആക്രമണത്തിന്റെ ഉത്തരവാദിത്തം പ്രതിഷേധക്കാരില് കെട്ടിവയ്ക്കാന് സര്ക്കാര് ശ്രമിക്കുന്നുണ്ടെന്ന റിപ്പോര്ട്ടുകളുണ്ട്.
https://www.facebook.com/Malayalivartha