ലോക നേതാക്കളിൽ ഏറെ ചുരുങ്ങിയ സമയംകൊണ്ട് ജനങളുടെ മനസ്സിൽ ഇടംനേടിയ പ്രധാനമന്ത്രിയാണ് ന്യൂസിലന്‍ഡ് പ്രധാനമന്ത്രി ജസീന്ത ആര്‍ഡേന്‍. ഇന്നലെ പ്രധാനമന്ത്രി പങ്കെടുത്ത ലൈവ് ടെലിവികന്‍ അഭിമുഖത്തിനിടെ ഭൂചലനം ഉണ്ടായത് ഏറെ ഞെട്ടൽ ഉളവാക്കുകയുണ്ടായി. എന്നാല്‍ പതറാതെ അഭിമുഖം മുന്നോട്ട് കൊണ്ടുപോകുന്ന പ്രധാനമന്ത്രിയെയാണ് സാമൂഹ്യ മാധ്യമങ്ങളിൽ പ്രചരിക്കുന്ന ദൃശ്യങ്ങളില്‍ കാണുന്നത് തന്നെ. തുടർന്ന് ഭൂചലനത്തിന്റെ അനുഭവം അവതാരകനുമായി പങ്കുവെയ്ക്കുകയും ചെയ്തു.

അതേസമയം ന്യൂസിലന്‍ഡില്‍ ലെവിന്‍ മേഖലയ്ക്ക് സമീപം റിക്ടര്‍ സ്‌കെയിലില്‍ 5.6 രേഖപ്പെടുത്തിയ ഭൂമികുലുക്കം തിങ്കളാഴ്ച രാവിലെ എട്ട് മണിയോടെയായിരുന്നു സംഭവിച്ചത്. ഇതേതുടർന്ന് ഈ ഭൂചലനം പാര്‍ലമെന്റ് കെട്ടിടത്തേയും കുലുക്കിയിരുന്നു.

എന്നാൽ ഈ സമയം ന്യൂസ് ചാനലിനു വേണ്ടി തത്സമയ അഭിമുഖത്തില്‍ പങ്കെടുക്കുകയായിരുന്ന പ്രധാനമന്ത്രി. ഇവിടെ നന്നായി കുലുങ്ങുന്നുണ്ട്, നല്ലൊരു ഭൂമികുലുക്കമാണ് എന്നും പറയുകയും ചെയ്തു. 'എനിക്ക് പിന്നില്‍ സാധനങ്ങള്‍ ചലിക്കുന്നത് കണ്ടോ' എന്നും ഇതിനിടെ പ്രധാനമന്ത്രി അവതാരകനോട് പറയുകയുണ്ടയി. എന്നാല്‍ ഭൂമികുലുക്കം ഉണ്ടായതിന്റെ പരിഭ്രമമാേ ഭീതിയോ ഒന്നും പ്രധാനമന്ത്രിയുടെ പെരുമാറ്റത്തിലോ മുഖഭാവത്തിലോ ഉണ്ടായിരുന്നില്ല. എന്നാൽ ന്യൂസിലന്‍ഡിന്റെ പ്രധാനമേഖലകളിലെല്ലാം ഭൂമികുലുക്കം അനുഭവപ്പെടുകയുണ്ടായി. നാശനഷ്ടമോ ആളപായമോ ഒന്നും ഇതുവരെ റിപ്പോര്‍ട്ട് ചെയ്തിട്ടില്ല.