ഇന്ത്യാ ചൈന അതിര്ത്തിയില് സൈനിക നീക്കം നടക്കുന്നു ; ചൈന 5,000 പട്ടാളക്കാരെ അതിര്ത്തിയില് നിയോഗിച്ചതായി റിപ്പോർട്ടുകൾ പുറത്ത്
ഇന്ത്യാ ചൈന അതിര്ത്തിയില് സൈനിക നീക്കം നടക്കുന്നതായി റിപ്പോർട്ട്. ചൈന 5,000 പട്ടാളക്കാരെ അതിര്ത്തിയില് നിയോഗിച്ചതായി റിപ്പോര്ട്ടുകൾ സൂചിപ്പിക്കുന്നു. ഈ റിപ്പോർട്ടുകൾ പുറത്തു വന്നതിനു പിന്നാലെ ഇന്ത്യയും അതേ പ്രദേശത്തേക്ക് സൈന്യത്തെ അയക്കുകയും ചെയ്തു. നിയന്ത്രണ രേഖയ്ക്ക് തൊട്ടടുത്ത് ചൈനീസ് അതിര്ത്തിയില് പീപ്പിള്സ് ലിബറേഷന് ട്രൂപ്പിന്റെ വലിയൊരു ടീമിനെ തന്നെ ചൈന നിയോഗിച്ചിട്ടുണ്ടെന്നും വിവരങ്ങൾ പുറത്ത് വരുന്നു.
നിയന്ത്രണ രേഖയുടെ ഇന്ത്യന് ഭാഗത്ത് ഇന്ത്യ സൈന്യത്തെ വിന്യസിച്ചിളളിടത്തേക്ക് പെട്ടെന്ന് എത്തിപ്പെടാവുന്ന തരത്തിലാണ് ചൈന സൈന്യത്തെ വിന്യസിച്ചിട്ടുള്ളത്. ഈ പ്രദേശത്തെ നിയന്ത്രണ രേഖയുടെ ഇന്ത്യന് ഭാഗത്ത് ഇന്ത്യന് ആര്മിയുടെ 81, 144 ബ്രിഗേഡുകൾ റോന്ത് ചുറ്റുന്നുണ്ട്. ദൈലത്ത് ബെഗ് ഓല്ഡി പ്രദേശത്തും സമീപപ്രദേശത്തും ചൈനീസ് സൈന്യം എത്തുകയാണെങ്കില് അതിനെ പ്രതിരോധിക്കുന്നതിന്റെ ഭാഗമായാണ് ഇന്ത്യ സൈന്യത്തെ ഈ പ്രദേശത്ത്നിയോഗിച്ചതെന്നാണ് നല്കുന്ന വിശദീകരണം.
https://www.facebook.com/Malayalivartha