എവറസ്റ്റിന്റെ ഉയരം നേപ്പാളിന്റെ കണക്കിനേക്കാള് നാല് മീറ്റര് കുറവ് ; വീണ്ടും അളക്കാൻ ചൈന; തലപുകഞ്ഞ് രാഷ്ട്രങ്ങൾ
എവറസ്റ്റിനെ കയറിപ്പിടിക്കാന് തുനിഞ്ഞിറങ്ങി ചൈന. എവറസ്റ്റിന്റെ ഉയരക്കണക്ക് ശരിയല്ലെന്ന് ചൈനയുടെ കണ്ടെത്തല്. അതിനായി ശരിയായ ഉയരം അളക്കാന് ഒരുങ്ങുകയാണ് ഇപ്പോൾ . മുമ്ബ് രണ്ട് തവണ അളന്ന് ഉയരം തിട്ടപ്പെടുത്തിയ ചൈനയാണ് വീണ്ടും അളക്കുന്നത്. ചൈനയുടെ കണക്കില് എവറസ്റ്റിന്റെ ഉയരം നേപ്പാളിന്റെ കണക്കിനേക്കാള് നാല് മീറ്റര് കുറവാണ്. എന്നാൽ ഇത് സ്ഥിരീകരിക്കാന് ചൈനയുടെ സര്വേസംഘം എവറസ്റ്റ് അളക്കുകയാണ്. ടിബറ്റ് വഴിയാണ് സംഘം എവറസ്റ്റിലെത്തിയത്. കണക്ക് പ്രകാരം 8,844.43 മീറ്റര് തന്നെയാണോ എവറസ്റ്റിന്റെ ഉയരമെന്നാണ് സംഘം വിലയിരുത്തുന്നത്.
പ്രകൃതിയെ കുറിച്ചുള്ള മനുഷ്യന്റെ അറിവ് വര്ദ്ധിപ്പിക്കുവാനും ശാസ്ത്ര പുരോഗതിക്കുമാണ് ഇങ്ങനെയൊരു ദൗത്യമെന്നാണ് ചൈനീസ് ഭരണം കൂടം വ്യക്തമാക്കുന്നത്. ചൈന ഇതിന് മുന്പ് രണ്ട് തവണ അളന്നിട്ടുണ്ട്. 1975ല് അളന്നപ്പോള് 8,848.13 മീറ്റര് ഉയരമാണ് ചൈന കണ്ടെത്തിയത്. കൊടുമുടിക്ക് 8,844.43 മീറ്റര് ഉയരമുണ്ടെന്നാണ് 2005ലെ സര്വേയില് കണ്ടെത്തിയിരുന്നു. 1961ല് എവറസ്റ്റ് കൊടുമുടിയിലൂടെ അതിര്ത്തി രേഖപ്പെടുത്തിയാണ് ചൈനയും നേപ്പാളും തങ്ങളുടെ അതിര്ത്തി തര്ക്കം തീര്ത്തത്.
https://www.facebook.com/Malayalivartha