വലയെറിഞ്ഞ് പിടിച്ച കൊഞ്ചിനെ കണ്ട് മത്സ്യത്തൊഴിലാളി ശരിക്കും ഞെട്ടി. മത്സ്യത്തൊഴിലാളിക്ക് കിട്ടിയത് 20 ലക്ഷം രൂപയോളം വിലമതിക്കുന്ന് നീല കൊഞ്ച്. സ്‌കോട്ട്‌ലന്‍ഡ് തീരത്താണ് ഈ നീല കൊഞ്ചിനെ വലയെറിഞ്ഞ് പിടിച്ചത്. റിക്കി ഗ്രീന്‍ഹോ എന്ന മത്സ്യത്തൊഴിലാളിക്കാണ് ഏറ്റവും വലിയ അത്ഭുതം വലയില്‍ കുടുങ്ങിയത്.

വ്യാഴാഴ്ച രാവിലെ അബര്‍ഡീന്‍ നഗരത്തിനടുത്തുള്ള കടലില്‍ കൊഞ്ച് പിടിക്കാനിറങ്ങിയതായിരുന്നു റിക്കി ഗ്രീന്‍ഹോ. തന്റെ മത്സ്യബന്ധന ബോട്ടായ സ്‌കുവയിലേക്ക് കൊഞ്ചിനെ വലിച്ച് കേറ്റുമ്‌ബോള്‍ അത് സാധാരണപോലൊരു കൊഞ്ചായിരിക്കുമെന്നാണ് റിക്കി കരുതിയിരുന്നത്. എന്നാല്‍ നേരിട്ട് കണ്ടപ്പോള്‍ ഞെട്ടിയതായും റിക്കി പറഞ്ഞു. റിക്കിക്ക് ലഭിച്ച കൊഞ്ചിന് 3 പൗണ്ട് ആണ് ഭാരം. അതായത് ഒരു കിലോയും മുന്നൂറ് ഗ്രാമും. നീല കൊഞ്ചുകള്‍ അത്യപൂര്‍വ്വ ജീവികളാണ് അതിനെ വളരെ ചെറിയ ഒരു അക്വേറിയത്തിലിട്ട് വളര്‍ത്തുന്നത് മോശമാണ്. അതുകൊണ്ട് തിരികെ കടലില്‍ തന്നെ നിക്ഷേപിക്കുന്നതാണ് നല്ലതെന്നും റിക്കി പറഞ്ഞു. ഇവയെ പിടികുടാനുളള സാധ്യത ലക്ഷത്തില്‍ ഒന്നാണെന്നാണ് മൃഗ വെറ്റിനറി സയന്‍സ് പ്രൊഫസറായ റോബര്‍ട്ട് ബെയര്‍ പറഞ്ഞത്. എന്നാല്‍ അവയുടെ ശരീരം ഒരു പ്രത്യേക പ്രോട്ടീന്‍ ഉണ്ടാക്കാന്‍ കാരണമാകുന്ന ജനിതക തകരാറിന്റെ ഫലമാണ് തിളക്കമുള്ള നീല നിറം ലഭിക്കന്നതെന്നും നാഷണല്‍ ജിയോഗ്രാഫിക് വിദഗ്തര്‍ അഭിപ്രായപ്പെട്ടു.