കാലിഫോര്‍ണിയയില്‍ കാട്ടുതീ പടരുന്ന സാഹചര്യത്തില്‍ ലോകത്തിലെ ഏറ്റവും വലിയ മരമായ ജനറല്‍ ഷെര്‍മനെ സംരക്ഷിക്കാന്‍ സുരക്ഷാ കവചമൊരുക്കി അഗ്‌നിശമന സേനാംഗങ്ങള്‍.


അടിഭാഗം തീയെ പ്രതിരോധിക്കാന്‍ ശേഷിയുള്ള അലൂമിനിയം ഫോയില്‍ പേപ്പര്‍ കൊണ്ട് പൊതിഞ്ഞാണ് നെവാദയിലെ കാട്ടുതീയില്‍ നിന്ന് വൃക്ഷത്തെ സംരക്ഷിച്ചത് .കാലിഫോര്‍ണിയയിലെ വനമ്യൂസിയമായ സെക്വോയ നാഷണല്‍ പാര്‍ക്കിലാണ് ജനറല്‍ ഷെര്‍മനുള്ളത്.

ഒപ്പം മറ്റ് മരങ്ങള്‍ക്കും അധികൃതര്‍ സുരക്ഷ ഒരുക്കിയിട്ടുണ്ട്. പാര്‍ക്കിലെ രണ്ടിലൊന്ന് പ്രദേശത്താണ് സുരക്ഷ ഒരുക്കിയിരിക്കുന്നത്. ഏകദേശം 2000 സെക്വയ മരങ്ങള്‍ ഈ പ്രദേശത്തുണ്ടെന്നാണ് കണക്കാക്കുന്നത്.