അപ്രതീക്ഷിത നീക്കം? റഷ്യന് കേന്ദ്രങ്ങള്ക്ക് നേരെ വ്യോമാക്രമണവുമായി യുക്രെയിന്... അതിര്ത്തി നഗരമായ ബെല്ഗൊറോദിലെ ഇന്ധന ഡിപ്പോയ്ക്ക് നേരെയാണ് യുക്രെയിന് സൈനിക ഹെലികോപ്ടറുകള് ആക്രമണം നടത്തിയതെന്ന് സൂചന
അപ്രതീക്ഷിത നീക്കമോ? റഷ്യന് കേന്ദ്രങ്ങള്ക്ക് നേരെ വ്യോമാക്രമണവുമായി യുക്രെയിന്. റഷ്യന് അധിനിവേശം തുടങ്ങിയതിന് ശേഷം ആദ്യമായിട്ടാണ് യുക്രെയിന് ഇത്തരമൊരു നീക്കം നടത്തുന്നത്.
അതിര്ത്തി നഗരമായ ബെല്ഗൊറോദിലെ ഇന്ധന ഡിപ്പോയ്ക്ക് നേരെയാണ് യുക്രെയിന് സൈനിക ഹെലികോപ്ടറുകള് ആക്രമണം നടത്തിയത്.
രാവിലെ നടന്ന ആക്രമണത്തില് ഡിപ്പോയ്ക്ക് തകരാറുകള് സംഭവിച്ചു. ഡിപ്പോയിലെ രണ്ട് ജീവനക്കാര്ക്ക് ആക്രമണത്തില് പരിക്കേറ്റു. സൈനിക ഹെലികോപ്ടറുകളില് നിന്ന് നിരവധി മിസൈലുകള് തൊടുത്തതായി റഷ്യ പറയുന്നു. ഹെലികോപ്ടറുകള് താഴ്ന്നുപറന്നാണ് അതിര്ത്തി കടന്നെത്തിയത്.
അപകടത്തിന് പിന്നാലെ ബെല്ഗൊറോദില് നിന്ന് ആളുകളെ ഒഴിപ്പിക്കുന്നുണ്ടെന്ന് മേഖലാ ഗവര്ണര് വ്യാചസ്ലാവ് ഗ്ലാദ്കോവ് പറഞ്ഞു. അതേസമയം യുക്രെയിന്റെ ആക്രമണമാണോ ഇതെന്ന കാര്യത്തില് ഇവര് ഔദ്യോഗിക വിശദീകരണം പറഞ്ഞിട്ടില്ല.
https://www.facebook.com/Malayalivartha
