യഥാർത്ഥത്തിലുള്ള പ്രേതാലയത്തിനെ കുറിച്ച് നിങ്ങൾ കേട്ടിട്ടുണ്ടോ? ചുവരുകളിൽ നിന്നും രക്തം ഒഴുകുന്ന വീഡിയോ വൈറൽ ആകുന്നു. സിനിമകളിലൂടെയും, പരമ്പരകളിലൂടെയും അല്ലെങ്കിൽ നോവലുകളിലൂടെ മാത്രമായിരിക്കും നിങ്ങൾ അമാനുഷിക ശക്തികളെ കുറിച്ച് അറിഞ്ഞിട്ടുള്ളത്. ഏറെക്കുറെയുള്ള മിക്ക സിനിമകളിലും അപ്രതീക്ഷിതമായ സ്ഥലങ്ങളിൽ നിന്ന് രക്തം ഒഴുകുന്നതായിട്ടുള്ള ദൃശ്യങ്ങൾ കാണിക്കുന്നത് പതിവാണ്. എന്നാൽ അത്തരം അനുഭവം യാഥാർത്ഥത്തിൽ സംഭവിച്ചിട്ടുണ്ടെന്ന് പറഞ്ഞാൽ എങ്ങനെയായിരിക്കും നിങ്ങളുടെ പ്രതികരണം? എന്നാൽ അറിയൂ, ബ്രസീലിൽ ഇത്തരം സമാനമായ അനുഭവം റിപ്പോർട്ട് ചെയ്യപ്പെട്ടിട്ടുണ്ട്.

ബ്രസിലിലെ 'അമിറ്റിവില്ലെ' ശൈലിയിലുള്ള ഒരു വീട്ടിലാണ് സംഭവം നടക്കുന്നത്. വീടിനുള്ളിലെ ചുവരുകളിലും വാതിലുകളിലും രക്തം ഒഴുകുന്നതായി കാണിക്കുന്ന ഒരു ഓൺലൈൻ വീഡിയോ വൈറലായിരിക്കുകയാണ്. പരാനയിലെ കാംബെയിലെ ഒരു വസതിയിലാണ് വിചിത്രമായ സംഭവം നടന്നത്. . രക്തം ഒഴുകാൻ കാരണമായത് എന്തായിരിക്കാം എന്നതിനെക്കുറിച്ചുള്ള ചർച്ചയ്ക്കും ഇത് പ്രേരിപ്പിച്ചു. ചുമരുകളിലും വാതിലുകളിലും തറയിലെ ടൈലുകളിലും രക്തക്കറകൾ ഉള്ളതായി വിഡിയോയിൽ കാണാം. ഹോളിവുഡ് സിനിമകളിലും പ്രദർശിപ്പിച്ചിട്ടുള്ള പ്രശസ്തമായ പ്രേതബാധയുള്ള അമിറ്റിവില്ലെ ഹൗസിനോട് ആളുകൾ ഈ വീടിനെ ഉപമിച്ചു.

എന്നിരുന്നാലും, ഇത്തരം സംഭവം അവിടെ നടക്കുന്നതിന്റെ പിന്നിലുള്ള രഹസ്യം എന്തെന്ന് ചിന്തിച്ച് ലോകത്തിന്റെ മറ്റു ഭാഗങ്ങൾ പരിഭ്രാന്തരാകുമ്പോൾ, ടിവി ചാനലിന് നൽകിയ അഭിമുഖത്തിൽ വീട്ടുടമസ്ഥന്റെ മകൾ രഹസ്യം വെളിപ്പെടുത്തി. അമാനുഷിക സംഭവങ്ങളൊന്നുമല്ല ഇതിനു കാരണമെന്നും ഈ സംഭവത്തിന് യുക്തിസഹമായ ഒരു കാരണം നൽകുകയും ചെയ്തു. തന്റെ അച്ഛന് അസുഖം ഉണ്ടെന്നും കാലിലെ രക്തക്കുഴലുകളുടെ പ്രശ്‌നമാണ് കാലിൽ നിന്ന് രക്തം വരാൻ കാരണമെന്നും, രക്തസ്രാവത്തിന്റെ കാരണം കണ്ടെത്താൻ പിതാവിനെ ഡോക്ടറെ കാണിക്കണമെന്നും യുവതി കൂട്ടിച്ചേർത്തു.

ഇൻസ്റ്റിറ്റ്യൂട്ട് ഓഫ് ക്രിമിനൽ സയൻസ് ലോണ്ട്രിനയുടെ ഡയറക്ടർ ലൂസിയാനോ ബുച്ചാൾസിന്റെ ടീമിൽ നിന്ന് ആരും ഇതുവരെ സ്ഥലം സന്ദർശിക്കാൻ കരാർ എടുത്തിട്ടില്ല. നിലവിൽ രണ്ട് കൗതുകകരമായ സാധ്യതകളുണ്ട്: ഒന്നുകിൽ ഉടമയുടെ കാലിൽ നിന്നാണ് വീഡിയോയിൽ രക്തം വന്നത്, അല്ലെങ്കിൽ വീട്ടിൽ അമാനുഷിക സംഭവങ്ങൾക്ക് കാരണമാകുന്ന ഒരു നിഗൂഢ ശക്തിയുണ്ട് എന്ന് ലൂസിയാനോ ബുച്ചാൾസിന്റെ റിപ്പോർട്ടിൽ പറയുന്നു.