തായ്വാന്‍ ചൈന യുദ്ധത്തില്‍ ആര് ജയിക്കും; ഉത്തരം ഇതാ.. തകര്‍ന്നടിയാന്‍ പോകുന്നത് ആര്
തയ്‌വാന്‍ യുദ്ധം വന്നാല്‍ വിജയികളുണ്ടാവില്ലെന്നും എല്ലാവരും പരാജിതരായിരിക്കുമെന്നും ആപ്പിളിനായി പ്രോസസറുകള്‍ നിര്‍മിച്ചു നല്‍കുന്ന കമ്പനിയായ ടിഎസ്എംസി യുടെ മേധാവി മാര്‍ക് ലിയു. സിഎന്‍എന്‍ ചാനലിനു നല്‍കിയ അഭിമുഖത്തിലാണ് ലിയുവിന്റെ മുന്നറിയിപ്പ്.
തയ്‌വാനും ചൈനയുമായി തുറന്ന യുദ്ധത്തിലെത്താനുള്ള സാധ്യതയാണ് ലിയുവിനെ ഭയപ്പെടുത്തുന്നത്. അമേരിക്കന്‍ ജനപ്രതിനിധി സഭയുടെ സ്പീക്കര്‍ നാന്‍സി പെലോസിയുടെ തയ്‌വാന്‍ സന്ദര്‍ശനമാണ് വാഷിങ്ടനും ബെയ്ജിങ്ങുമായി നിലനിന്നിരുന്ന സംഘര്‍ഷം വഷളാക്കിയത്. ലോകത്തെ ചിപ്പ് നിര്‍മാണം മുഴുവനും വന്‍ പ്രതിസന്ധിയിലാകും എന്നുള്ളതാണ് ഏറ്റവും വലിയ തിരിച്ചതി. ഇതോടെ ഇലട്രോണിക്ക് മേഘല പൂര്‍ണമായും തകരും. ഇപ്പോള്‍ തന്നെ ചിപ്പുകളുടെ അഭാവം കാരണം ഇലട്രോണിക് മേഘല പകുതി സ്തംഭിച്ച അവസ്ഥയിലാണ്. ചിപ്പുകള്‍ക്കുവേണ്ടി ഇന്ത്യ മുഴുവനായും ആശ്രയിക്കുന്നത് തായ്വാനെയാണ്. ഇന്ത്യ മാത്രമല്ല ലോകം മുഴുവനും അങ്ങനെ തന്നെയാണ്. ഇതോടെ വലിയ പ്രതിസന്ധിയാകും ലോകത്ത് സൃഷ്ടിക്കപ്പെടുക. അതേസമയം തന്നെ ഇത്യയും തായ്വാനുമായുള്ള ഒരു ചിപ്പ് നിര്‍മാണ പദ്ധതി അവസാന ഘട്ടത്തിലാണ് ഈ യുദ്ധ വേളയില്‍ ഇക്കാര്യത്തില്‍ ആശങ്ക വര്‍ദ്ധിക്കുകയാണ്.
ചൈന തയ്‌വാനിലേക്ക് അതിക്രമിച്ചു കയറിയാല്‍ ചിപ്പ് നിര്‍മാണശാല പൂട്ടേണ്ടി വന്നേക്കാമെന്ന് ലിയു പറഞ്ഞു. കാരണം തങ്ങള്‍ ആഗോള സപ്ലൈ ശൃംഖലയെ ആശ്രയിച്ചാണ് പ്രവര്‍ത്തിക്കുന്നത്. അതേസമയം, ബലമായി ടിഎസ്എംസി ഏറ്റെടുക്കാന്‍ ആര്‍ക്കും സാധിക്കില്ലെന്നും അദ്ദേഹം പറഞ്ഞു. ഫാക്ടറിക്കു നേരെ സൈനിക ആക്രമണം ഉണ്ടായാല്‍ ടിഎസ്എംസി പ്രവര്‍ത്തിപ്പിക്കാനാകാത്ത രീതിയിലായി പോകുമെന്ന് അദ്ദേഹം പറഞ്ഞു. കാരണം തങ്ങളുടേത് അത്യാധുനിക ഫാക്ടറിയാണ്. പുറം ലോകവുമായി തത്സമയ ബന്ധം നിലനിര്‍ത്തിയാണ് അത് പ്രവര്‍ത്തിപ്പിക്കുന്നത്. യൂറോപ്പും ജപ്പാനും അമേരിക്കയും അടക്കമുള്ള മേഖലകളുമായി ഇത്തരത്തില്‍ നിരന്തരം ബന്ധപ്പെടുന്നു. വിവിധ ഘടകഭാഗങ്ങളും രാസവസ്തുക്കളും എത്തിക്കലും സോഫ്റ്റ്‌വെയര്‍ കേടുപാടു തീര്‍ക്കലും തത്സമയം നടത്തിവരുന്നു.
ആപ്പിള്‍ അടക്കമുളള കമ്പനികള്‍ ആശ്രയിക്കുന്ന, ലോകത്തെ ഏറ്റവും ആധുനിക സംവിധാനങ്ങളുള്ള ചിപ്പ് നിര്‍മാണ ഫാക്ടറിയാണ് ടിഎസ്എംസി എന്ന് റോയിട്ടേഴ്‌സ് പറയുന്നു. ക്വാല്‍കം കമ്പനിക്കും അവര്‍ ചിപ്പുകള്‍ നിര്‍മിച്ചു നല്‍കുന്നു. ആപ്പിളിന്റെ എ, എം സീരീസ് പ്രോസസറുകള്‍ (ഐഫോണിന്റെയും മാക്കിന്റെയും ചിപ്പുകള്‍) നിര്‍മിച്ചു നല്‍കുന്നത് ടിഎസ്എംസിയാണ്. വളരെയധികം ആന്‍ഡ്രോയ്ഡ് ഫോണുകളില്‍ ഉപയോഗിക്കുന്ന ക്വാല്‍കം ചിപ്പുകളും കമ്പനി നിര്‍മിച്ചു നല്‍കുന്നു. തയ്‌വാനില്‍ നിന്നാണ് ഏറ്റവുമധികം പ്രോസസറുകള്‍ ലോകത്തിനു ലഭിക്കുന്നത്. ടിഎസ്എംസിയെ കൂടാതെ യുണൈറ്റഡ് മൈക്രോ ഇലക്ട്രോണിക്‌സ് കോര്‍പറേഷനും തയ്‌വാന്‍ കേന്ദ്രമായി പ്രവര്‍ത്തിക്കുന്ന പ്രധാനപ്പെട്ട ചിപ്പ് നിര്‍മാതാവണ്. ഈ യുദ്ധമുണ്ടാകുന്നതോടെ ലോകത്തെ ഇലട്രോണിക് മേഖല പൂര്‍ണമായും തകരും. ഇന്ത്യയെ ഇത് ഗുരുതരമായി ബാധിക്കും
https://www.facebook.com/Malayalivartha
