ഗാസ മുനമ്പില്‍ ഇന്നലെ ഇസ്രയേല്‍ സൈന്യം നടത്തിയ വ്യോമാക്രമണത്തില്‍ എട്ടുപേര്‍ കൊല്ലപ്പെട്ടു. ഇസ്ലാമിക് ജിഹാദ് പ്രസ്ഥാനത്തിന്റെ മുതിര്‍ന്നനേതാവും അഞ്ചുവയസ്സുള്ള ഒരു പെണ്‍കുട്ടിയും ഇക്കൂട്ടത്തിലുണ്ടെന്നാണ് സൂചനകള്‍. നാല്‍പ്പതിലേറെപ്പേര്‍ക്ക് പരിക്കേറ്റെന്ന് പലസ്തീനിയന്‍ അധികൃതര്‍ .

ഇസ്ലാമിക് ജിഹാദിനെ ഉന്നമിട്ടായിരുന്നു സൈനികനടപടിയെന്ന് ഇസ്രയേല്‍ . കഴിഞ്ഞയാഴ്ച വെസ്റ്റ്ബാങ്കില്‍നിന്ന് പലസ്തീനിയന്‍ സായുധസംഘത്തിന്റെ നേതാവിനെ ഇസ്രയേല്‍ പിടികൂടിയിട്ടുണ്ടായിരുന്നു. അന്നുമുതല്‍ മേഖലയില്‍ സംഘര്‍ഷാവസ്ഥ നിലനില്‍ക്കുന്നു.

ഗാസമുനമ്പിലെ തീവ്രവാദികളെ ഇസ്രയേല്‍ ജനതയുടെ സൈ്വരംകെടുത്താന്‍ അനുവദിക്കില്ലെന്ന് പ്രധാനമന്ത്രി യെയ്ര്‍ ലാപിഡ് . ഗാസാനഗരത്തിലെ അപ്പാര്‍ട്ട്മെന്റിനുനേരെയാണ് ആക്രമണമുണ്ടായത്.