ബ്രാൻഡുകളുടെ പിന്നാലെയാണ് ഇപ്പോൾ ലോകം. അങ്ങനെ ഉയർന്ന നിലവാരമുള്ള ആഡംബര ബ്രാൻഡുകളിലുള്ള ബാ​ഗുകളും മറ്റ് വസ്തുക്കളും വാർത്തകളിൽ ഇടം നേടുന്നത് സാധാരണയായി കൊണ്ടുവരുന്നതാണ്. ഇപ്പോഴിതാ സോഷ്യൽ മീഡിയയിൽ ചർച്ചയാവുകയാണ് ഒരു 'ട്രാഷ് പൗച്ച്' ആണ്. കടകളിൽ നിന്നും സാധനങ്ങൾ വാങ്ങുമ്പോൾ ചെറിയ തുകയ്ക്ക് ലഭിക്കുന്ന ക്യാരി ബാഗിന് സമാനമാണ് ഈ ബാഗ്. എന്നാൽ വില കേട്ടാൽ ശരിക്കും ഞെട്ടും. 1,790 ഡോളർ (1.4 ലക്ഷം രൂപ) വിലയാണ് ഉള്ളത്.

ആഡംബര ഫാഷൻ ബ്രാൻഡായ ബലെൻസിയാഗയാണ് ഈ ട്രാഷ് പൗച്ച് കൊണ്ടു വന്നിരിക്കുന്നത്. കറുപ്പ്, വെള്ള, ചുവപ്പ്, നീല, മഞ്ഞ എന്നിങ്ങനെ അഞ്ച് നിറങ്ങളിൽ ഈ ബാ​ഗ് ലഭ്യമാണ്. ട്രാഷ് പൗച്ച് പുറത്തിറക്കിയതിന് പിന്നാലെ തന്നെ നിരവധി ട്വിറ്റർ ഉപയോക്താക്കൾ വിവിധ കമന്റുകൾ പോസ്റ്റ് ചെയ്യുകയുണ്ടായി.

അങ്ങനെ ട്രാഷ് പൗച്ചിനെ പറ്റി സോഷ്യൽ മീഡിയയിൽ വലിയ ചർച്ചകളാണ് നടക്കുന്നത്. ഈ ബാ​ഗ് കാൾഫ്‌സ്കിൻ ലെതർ കൊണ്ടാണ് നിർമ്മിച്ചിരിക്കുന്നത്. മാർച്ചിൽ പാരീസിൽ നടന്ന ഫാൾ 2022 റെഡി-ടു-വെയർ ശേഖരത്തിൽ പോലും ഈ ബാഗ് ഉണ്ടായിരുന്നു.

"ലോകത്തിലെ ഏറ്റവും വിലകൂടിയ ട്രാഷ് ബാഗ് നിർമ്മിക്കാനുള്ള അവസരം നഷ്ടപ്പെടുത്താൻ കഴിഞ്ഞില്ല. കാരണം ആരാണ് ഫാഷൻ ഇഷ്ടപ്പെടാത്തത്?"...- എന്നും ബലെൻസിയാഗയുടെ ക്രിയേറ്റീവ് ഡയറക്ടർ ഡെംന ഗ്വാസലിയ വിമൻസ് വെയർ ഡെയ്‌ലിയോട് പറഞ്ഞു. വിവിധ സോഷ്യൽ മീഡിയ പ്ലാറ്റ്‌ഫോമുകളിൽ ബാഗിന്റെ ചിത്രങ്ങൾ പങ്കുവച്ചിട്ടുമുണ്ട്.

അതേസമയം എന്തിനാണ് ഇത്രയും കൂടിയ ബാ​ഗുകൾ എന്നൊരാൾ ചിത്രങ്ങൾക്ക് താഴേ കമന്റ് ചെയ്യുകയുണ്ടായി. ഇത് തികച്ചും വിഡ്ഢിത്തമാണ്. പരിഹാസ്യവും വെറുപ്പുളവാക്കുന്നതുമായ ഈ അമിത വിലയുള്ള ബാഗ് നിർമ്മിച്ചത് ശരിയല്ലെന്ന് മറ്റൊരാൾ കമന്റ് ചെയ്തു. ഇങ്ങനെ വില കൂടിയ ബാ​ഗുകൾ വാങ്ങാൻ ആളുകളുണ്ടോ എന്ന് മറ്റൊരാൾ പോസ്റ്റിന് താഴേ കമന്റ് ചെയ്യുകയുണ്ടായി.