ബ്രിട്ടണിലെ ചാള്‍സ് മൂന്നാമന്‍ രാജാവിന്റെ കിരീടധാരണം അടുത്തവര്‍ഷം.... കിരീടധാരണം നടക്കുക വെസ്റ്റ്മിന്‍സ്റ്റര്‍ ആബിയില്‍
ബ്രിട്ടണിലെ ചാള്‍സ് മൂന്നാമന്‍ രാജാവിന്റെ കിരീടധാരണം അടുത്തവര്‍ഷം.... കിരീടധാരണം നടക്കുക വെസ്റ്റ്മിന്‍സ്റ്റര്‍ ആബിയില്‍. ട്വിറ്ററിലൂടെയാണ് രാജകുടുംബം വിവരം അറിയിച്ചത്. കാന്റര്‍ബറി ആര്‍ച്ച് ബിഷപ്പാണ് കിരീടം അണിയിക്കുക. അടുത്തവര്‍ഷം മെയ് ആറിനാണ് നടക്കുക .
രാജാവിന്റെ ഇന്നത്തെ പ്രാധാന്യം വിളിച്ചോതുന്ന രീതിയിലാണ് ആഘോഷപരിപാടികളെന്ന് ബക്കിംഗ്ഹാം കൊട്ടാരം അറിയിച്ചു.
പാരമ്പര്യത്തിലൂന്നിയുള്ളതും ഭാവിയിലേക്ക് ഉറ്റു നോക്കിക്കൊണ്ടുള്ളതുമായിരിക്കും ആഘോഷപരിപാടികള്‍. രാജാവിന്റെ കിരീടധാരണത്തിന് സമാനമായതും എന്നാല്‍ ലളിതവുമായ ചടങ്ങില്‍ കാമില രാജ്ഞിയെയും കിരീടമണിയിക്കും.
കിരീടധാരണ വേളയില്‍, കാന്റര്‍ബറി ആര്‍ച്ച് ബിഷപ്പ് രാജാവിനെ അഭിഷേകം ചെയ്യുകയും അനുഗ്രഹിക്കുകയും വിശുദ്ധീകരിക്കുകയും ചെയ്യും. ഏകദേശം 70 വര്‍ഷത്തിനുള്ളില്‍ നടക്കുന്ന ആദ്യത്തെ കിരീടധാരണ ചടങ്ങായിരിക്കും അടുത്ത വര്‍ഷം നടക്കാന്‍ പോകുക.
അതേസമയം എലിസബത്ത് രാജ്ഞിയുടെ മരണത്തെ തുടര്‍ന്നാണ് 73-കാരനായ ചാള്‍സ് രാജാവാകുന്നത്.
"
https://www.facebook.com/Malayalivartha
