സ്വവർ​ഗാനുരാ​ഗികളായ ദമ്പതികളുടെ അവകാശങ്ങൾക്ക് ഉറപ്പ് വരുത്താൻ ജപ്പാനിൽ പുതിയ നീക്കമാണ് നടന്നുവരുന്നത്. അതായത് ടോക്കിയോയിൽ സ്വവർ​ഗാനുരാ​ഗികളായ ദമ്പതികൾക്ക് സർട്ടിഫിക്കറ്റും അനുവദിച്ചിരിക്കുകയാണ്. ഇതോടെ, വിവാഹിതരായ ദമ്പതികൾ‌ക്കുള്ള ചില ആനുകൂല്യങ്ങൾക്കെങ്കിലും ഇതവരെ അർഹരാക്കുന്നതാണ്.

അതായത് ജപ്പാനിൽ മുഴുവനും സ്വവർ​ഗാനുരാ​ഗികളെയും സാധാരണ ദമ്പതികളെപ്പോലെ കാണുന്നതിലേക്ക് നയിക്കുന്ന ഒരു ചുവടുവയ്പ്പായിരിക്കും ഇത് എന്നാണ് പ്രതീക്ഷിക്കുന്നത്. നിലവിൽ, വികസിത രാജ്യങ്ങളുടെ G7 ഗ്രൂപ്പിൽ സ്വവർഗ യൂണിയനുകളെ അംഗീകരിക്കാത്ത ഏക രാജ്യമാണ് ജപ്പാൻ എന്നത്.

എന്നാൽ, അടുത്തിടെ തന്നെ ജപ്പാനിൽ നടന്ന പോളിം​ഗിൽ കാണിക്കുന്നത് ജപ്പാനിൽ ഭൂരിഭാ​ഗവും സ്വവർ​ഗവിവാഹത്തെ അനുകൂലിക്കുന്നു എന്നാണ്. ജപ്പാനിലെ പബ്ലിക് ബ്രോഡ്കാസ്റ്ററായ NHK 2021-ൽ നടത്തിയ ഒരു സർവേ പ്രകാരം, 57% പേരും സ്വവർ​ഗവിവാഹത്തെ അനുകൂലിക്കുകയുണ്ടായി. എന്നാൽ 37% പേരാണ് ആ സമയം സ്വവർ ​ഗേ വിവാഹത്തെ എതിർത്തുകൊണ്ട് രംഗത്ത് എത്തിയത്.

എന്നാൽ ഇത്ര വ്യാപകമായ പിന്തുണ ഉണ്ടായിട്ടും പക്ഷേ ഒസാക്കയിലെ ഒരു ജില്ലാ കോടതി ഈ വർഷം ആദ്യം വിധിച്ചത് സ്വവർ​ഗവിവാഹത്തിന് നിലവിലുള്ള നിരോധനം ഭരണഘടനാപരമാണ് എന്നാണ്. ശേഷം, ഒക്ടോബറിൽ, ഭരണകക്ഷിയായ ലിബറൽ ഡെമോക്രാറ്റിക് പാർട്ടിയുടെ പ്രാദേശിക പ്രതിനിധിയായ നൊബോരു വടാനബെ സ്വവർഗ വിവാഹത്തെ 'വെറുപ്പുളവാക്കുന്നത്' എന്ന് വിശേഷിപ്പിച്ചത് വ്യാപകമായ പ്രതിഷേധത്തിന് ഇടയാക്കുകയും ചെയ്തിരുന്നു.

എന്നിരുന്നാൽ തന്നെയൂം സമത്വത്തിന് വേണ്ടിയുള്ള ചില നീക്കങ്ങളെല്ലാം ഇവിടെ ഉണ്ടായി. ടോക്കിയോ മെട്രോപൊളിറ്റൻ ഏരിയയിൽ നടപ്പിലാക്കുന്ന ഈ പദ്ധതി ആദ്യമായി 2015 -ൽ തന്നെ ഇവിടുത്തെ ഒരു ഒരു ജില്ലയിൽ ആരംഭിച്ചിരുന്നു. മെട്രോപൊളിറ്റൻ ഏരിയയുടെ പടിഞ്ഞാറുള്ള ഒമ്പത് വാർഡുകളിലേക്കും ആറ് നഗരങ്ങളിലേക്കും പിന്നീട് ഇത് വ്യാപിക്കുകയുണ്ടായി. പുതിയ മെട്രോപൊളിറ്റൻ-വൈഡ് സ്കീം പ്രകാരം അത് തലസ്ഥാനത്തിന്റെ എല്ലാ പ്രദേശങ്ങളിലും എത്തും. ഇവിടെ ഏകദേശം 14 മില്ല്യൺ ആളുകളാണ് വസിച്ച് വരുന്നത്.

അതേസമയം സർട്ടിഫിക്കറ്റ് കിട്ടുന്നതോട് കൂടി തന്നെ സ്വവർ​ഗദമ്പതികൾക്ക് മറ്റ് ഭാര്യ-ഭർത്താക്കന്മാരെ പോലെ വീട്, ആരോ​ഗ്യം, ക്ഷേമം തുടങ്ങിയ മേഖലകളിലുള്ള ആനുകൂല്യങ്ങളും അവകാശങ്ങളും ലഭ്യമാകുന്നതാണ്. ടോക്കിയോയിൽ താമസിക്കുകയോ ജോലി ചെയ്യുകയോ ചെയ്യുന്ന 18 വയസിന് മുകളിലുള്ള ആർക്കും ഇപ്പോൾ സർട്ടിഫിക്കേറ്റിന് അപേക്ഷിക്കുകയും ചെയ്യാം. ഏതായാലും, ഇവിടെയുള്ള സ്വവർ​ഗാനുരാ​ഗികളായ ദമ്പതികൾ പുതിയ മുന്നേറ്റത്തിൽ വളരെ അധികം സന്തോഷത്തിലാണ് ഇപ്പോൾ.