മുൻ ടെന്നീസ് താരം സാനിയ മിർസ ഇൻസ്റ്റഗ്രാമിൽ പങ്കുവെച്ച ഒരു പോസ്റ്റ് തുടക്കമിട്ടിരിക്കുന്നത് സാനിയയുടെയും പാക്കിസ്ഥാൻ ക്രിക്കറ്റ് താരം ഷൂഹൈബ് മാലികിന്റെയും വിവാഹബന്ധം പിരിയുന്നതായുള്ള അഭ്യൂഹങ്ങക്കാണ്. സാനിയ മിർസയുദ് ഈപോസ്റ് ഇപ്രകാരമാണ് ‘എവിടെയാണ് തകർന്ന ഹൃദയങ്ങൾ പോകുക, അല്ലാഹുവിനെ കണ്ടെത്താൻ ‘ അറബിയിലും ഇംഗ്ലീഷിലുമായി പങ്കുവെച്ച പോസ്റ്റ് നിമിഷ നേരങ്ങൾ കൊണ്ടാണ് വലിയ ചർച്ചയായത്.

സാനിയ മിർസ ഷെയർ ചെയ്യുന്ന നിഗൂഢ പോസ്റ്റ് അല്ല ഇത്. കുറച്ച് ദിവസങ്ങൾക്ക് മുമ്പ്, "ഏറ്റവും പ്രയാസകരമായ ദിവസങ്ങളിലൂടെ എന്നെ കൊണ്ടുപോകുന്ന നിമിഷങ്ങൾ" എന്ന അടിക്കുറിപ്പിനൊപ്പം തന്റെ മകനുമായുള്ള ഒരു ചിത്രം പങ്കിട്ടു.

മാലിക് തന്റെ ഒരു ടിവി ഷോയ്ക്കിടെസാനിയയെ വഞ്ചിച്ചതായി ആരോപണമുണ്ട്, എന്നാൽ റിപ്പോർട്ടിന്റെ ആധികാരികത ഇതുവരെ അറിവായിട്ടില്ല. സാനിയയ്‌ക്കെതിരെ പരിഹാസവും സമൂഹമാദ്ധ്യമങ്ങളിൽ ഉയർന്നിരുന്നു. അതേസമയം വാർത്തകളോട് ഇതുവരെ ഇരുവരും പ്രതികരിച്ചിട്ടില്ല..

വിവാഹമോചന വാർത്തകൾ സ്ഥിരീകരിക്കപ്പെട്ടില്ലെങ്കിലും, ദമ്പതികൾക്കിടയിൽ ഭിന്നതയുണ്ടെന്ന് പറയപ്പെടുന്നു. തന്റെ സമീപകാല സോഷ്യൽ മീഡിയ അപ്‌ഡേറ്റുകളിൽ നിന്ന് ഷോയിബ് മാലിക് വിട്ടുനിന്നിരുന്നു. ദമ്പതികൾ വേർപിരിഞ്ഞുവെന്നും കുറച്ചുകാലമായി വേർപിരിഞ്ഞ് താമസിക്കുകയാണെന്നും പാകിസ്ഥാൻ മാധ്യമങ്ങളിൽ നിന്നുള്ള റിപ്പോർട്ടുകൾ സൂചിപ്പിക്കുന്നു.

നീണ്ട 12 വർഷത്തെ ദാമ്പത്യത്തിനൊടുവിലാണ് ഇരുവരും തമ്മിൽ പിരിയുന്നതായുള്ള അഭ്യൂഹങ്ങൾ പുറത്തുവരുന്നത്. ഇരു രാജ്യങ്ങളിലെ കായിക താരങ്ങൾ തമ്മിലുള്ള വിവാഹം വലിയ ചർച്ചകൾക്കും വിവാദങ്ങൾക്കും വഴിവെച്ചിരുന്നു. റിപ്പോർട്ടുകൾ പ്രകാരം ദമ്പതികൾ ഇപ്പോൾ മകൻ ഇസാന്റെ കാര്യങ്ങൾക്കായി മാത്രമാണ് ഒരുമിച്ചു എത്തുന്നത്. അടുത്തിടെ മകൻ ഇസാൻ മിർസ മാലിക്കിന്റെ ജന്മദിനം ദുബായിൽ ആഘോഷിചിരുന്നു. ഷോയിബ് മാലിക് തന്റെ ഇൻസ്റ്റാഗ്രാമിൽ പാർട്ടിയിൽ നിന്നുള്ള ഒരു കൂട്ടം ചിത്രങ്ങൾ പങ്കിട്ടപ്പോൾ സാനിയ ഒന്നും തന്നെ പോസ്റ്റ് ചെയ്തില്ല.