പുരാതനമായ പല സ്ഥലങ്ങളും ലോകത്തിന്റെ പല ഭാഗത്തും കണ്ടെത്താറുണ്ട് . അതിനായി ഇപ്പോഴും പഠനങ്ങളും സംഘങ്ങളും പ്രവർത്തിക്കുന്നുണ്ട് . അങ്ങനെയുള്ള പല പുരാതന അവശേഷിപ്പുകൾ കണ്ടെത്തിയിട്ടുണ്ട് . ഇപ്പോഴിതാ  4000 വർഷം പഴക്കമുള്ള പുരാതനമായ ഒരു കോട്ട സൗദിയിൽ കണ്ടെത്തി. റോയൽ കമ്മീഷൻ ഫോർ അൽ ഉല അതോറിറ്റി ഈ കോട്ട കണ്ടെത്തിയെന്ന് വാർത്ത പുറത്തുവിട്ടിരിക്കുന്നത്. സൗദിയുടെ വിവിധ ഭാഗങ്ങളിൽ ഇത്തരത്തിലുളള ഗവേഷണം നടക്കുന്നുണ്ട്.

വിവിധ സ്ഥലങ്ങളിൽ നിന്നും ഇത്തരത്തിലുള്ള പഴയ നഗരത്തിൽറെ അവശിഷ്ടങ്ങൾ കണ്ടെത്തിയിട്ടുണ്ട്. വെങ്കലയുഗത്തിലെ ഒരു ഗ്രാമം ആണ് ഇപ്പോൾ കണ്ടെത്തിയിരിക്കുന്നത് എന്നാണ് റിപ്പോർട്ട്.വടക്കുപടിഞ്ഞാറുള്ള ഖൈബർ മരുപ്പച്ചയിൽ വിസ്മൃതിയിൽ മറഞ്ഞു കിടന്നിരുന്ന ഈ പുരാതന വെങ്കലയുഗ ഗ്രാമം ആണ് കണ്ടെത്തിയിരിക്കുന്നതെന്ന് റോയൽ കമ്മീഷൻ ഫോർ അൽ ഉല അതോറിറ്റി അറിയിച്ചു. ഈ സ്ഥലത്ത് കുറച്ചു സമയമായി സൗദി പരിശോധന നടത്തികൊണ്ടിരിക്കുകയായിരുന്നു.

ഫ്രഞ്ച് ഏജൻസിയുടെയും ഫ്രഞ്ച് നാഷനൽ സെന്റർ ഫോർ സയന്റിഫിക് റിസർച്ചിന്റെയും സഹകരണത്തോടെ ആണ് അൽഉലയിൽ ഗവേഷണം നടത്തുന്നത്. പ്രാഥമിക അന്വേഷണത്തിൽ തന്നെ ഇവിടെ ചില ഗ്രാമങ്ങൾ ഉണ്ടായിരുന്നെന്നും ഇവിടെ ചില താമസിച്ചിരുന്നു എന്നും കണ്ടെത്താൻ സാധിച്ചു. അതിന്റെ അടിസ്ഥാനത്തിലാണ് വിശദമായ അന്വേഷണം ആരംഭിക്കാൻ തീരുമാനിച്ചത്. ഈ ഗ്രാമത്തിലുള്ളവർ രണ്ട് നിലകളിലായി ആണ് താമസിച്ചിരുന്നത് എന്നാണ് കണ്ടെത്തിയിരിക്കുന്നത്.