സോഷ്യൽ മീഡിയയിൽ വൈറലാകാനും അതുവഴി ഒരു താരമാകാനും എന്ത് കോപ്രായവും കാണിക്കുന്ന ഒരു തലമുറയുള്ള കാലഘട്ടമാണിത്.
ആളുകളുടെ ലൈക്ക് കിട്ടണം , കൂടുതൽ ആളുകൾ വീഡിയോ കാണണം , കമന്റ് ചെയ്യണം തുടങ്ങി ആവശ്യങ്ങൾക്ക് വേണ്ടിയാണ് എന്തേലും ചെയ്യാൻ ഒരു കൂട്ടർ ഒരുങ്ങുന്നത് . അത്തരത്തിൽ വൈറലാകാൻ ശ്രമിച്ച് അഴിക്കുള്ളലായ ഒരു ആരോ​ഗ്യപ്രവർത്തകയുടെ വാർത്തയാണ് ജോർജിയയിൽ നിന്ന് വരുന്നത്.ദിവ്യാം​ഗരായ രോ​ഗികളുടെ തലയിൽ കയറിയിരുന്ന് റീൽസ് ചിത്രീകരിച്ച ആരോ​ഗ്യപ്രവർത്തകയാണ് പിടിയിലായത്.

19-കാരിയായ ലുക്രേസിയ കൊയാൻ ആണ് പിടിയിലായത്. ലോ​ഗൻവില്ല പൊലീസാണ് വീഡിയോ ആധാരമാക്കി ഇവരെ പിടികൂടിയത്. ഇതിന് പിന്നാലെ ഇവരെ വാൾട്ടൺ കൗണ്ടി ജയിലിലാക്കി. യൂണിഫോമും സ്റ്റെതസ് സ്കോപ്പും അണിഞ്ഞാണ് ഇവരുടെ വൾ​ഗർ ഡാൻസ്. വീൽ ചെയറിലിരിക്കുന്ന രോ​ഗികളുടെ തലയിൽ കയറിയിരുന്നാണ് ഇവരുടെ അശ്ലീല ഡാൻസ്. കണ്ണാടി വഴി ചിത്രീകരിക്കുന്നതും ഇവർ തന്നെയാണ്.ബാത്ത് ഡബ്ബിൽ കുളിക്കുന്ന മറ്റൊരു രോ​ഗിയുടെ തലയ്‌ക്ക് മുകളിൽ കയറിയിരുന്നും ഇവർ ഡാൻസ് ചെയ്ത് വീഡിയോ ചിത്രീകരിച്ചിരുന്നു.

ഇതിൽ രോ​ഗി അസ്വസ്ഥനാകുന്നതും കാണാമായിരുന്നു. പിന്നീട് ഇവരെ ആറരലക്ഷം രൂപയുടെ ബോണ്ടിൽ ജാമ്യം നൽകി പുറത്തുവിട്ടതായും വിവരമുണ്ട്.ഇത്തരത്തിൽ ചെയ്യുന്നവർ പല അപകടങ്ങളും ഇങ്ങനെ വിളിച്ചു വരുത്താറുണ്ട് . അതിന് ഉദാഹരണങ്ങൾ നിരവധിയാണ് . മരണം വരെ സംഭവിക്കാറുണ്ട് .