വിമാനം യാത്രക്കായി പറന്നു ഉയരുന്നതിന് മുൻപ് തന്നെ എല്ലാ രീതിയിലും ഉള്ള സുരക്ഷാ മുൻകരുതലുകൾ എടുക്കാറുണ്ട് . എന്നിട്ടും അപകടങ്ങൾ സംഭവിക്കാറുണ്ട് . ഇപ്പോഴിതാ പറന്നുയരുന്നതിന് തൊട്ടുമുന്‍പ് വിമാനത്തിന്റെ എന്‍ജിന് തീപിടിച്ചു. ഉടനടി യാത്രക്കാരെയും ജീവനക്കാരെയും സുരക്ഷിതമായി പുറത്തിറക്കി. ഞായറാഴ്ച രാവിലെ എട്ടരയോടെ ജോര്‍ജ് ബുഷ് ഇന്റര്‍കോണ്ടിനെന്റല്‍ വിമാനത്താവളത്തിലായിരുന്നു സംഭവം.നൂറിലധികം യാത്രക്കാരുമായി ഹൂസ്റ്റണില്‍നിന്ന് ന്യൂയോര്‍ക്കിലേക്ക് പുറപ്പെടാനൊരുങ്ങിയ യുണൈറ്റഡ് എയര്‍ലൈന്‍സിന്റെ വിമാനത്തിന്റെ എന്‍ജിനാണ് തീപിടിച്ചത്.

പറന്നുയരുന്നതിന് തൊട്ടുമുന്‍പാണ് എന്‍ജിനുകളില്‍ ഒന്നിന് തീപിടിച്ചെന്ന വിവരം ക്രൂവിന് ലഭിക്കുന്നതെന്നും റണ്‍വേയില്‍ ഇരിക്കെത്തന്നെ ഉടന്‍ ടേക്ക് ഓഫ് നിര്‍ത്തിയെന്നും എയര്‍ലൈന്‍ കമ്പനി പ്രസ്താവനയില്‍ അറിയിച്ചു.സംഭവത്തിന്റെ വീഡിയോ സാമൂഹികമാധ്യമങ്ങളില്‍ വ്യാപകമായി പ്രചരിക്കുന്നുണ്ട്. ഇതില്‍ എന്‍ജിനുകളില്‍ ഒന്നില്‍നിന്ന് തീയും പുകയും പുറത്തേക്ക് വരുന്നത് കാണാം. ഭയചകിതരായ യാത്രക്കാര്‍, വിമാനത്തില്‍നിന്ന് തങ്ങളെ പുറത്തിറക്കാന്‍ ആവശ്യപ്പെടുന്നതും കേള്‍ക്കാം.വിമാനത്തിലുണ്ടായിരുന്ന 104 യാത്രക്കാരെയും സുരക്ഷിതമായി പുറത്തിറക്കിയെന്നും ആര്‍ക്കും പരിക്കുകളില്ലെന്നും അന്തര്‍ദേശീയമാധ്യമങ്ങള്‍ റിപ്പോര്‍ട്ട് ചെയ്തു.

ഇവര്‍ക്ക് ഞായറാഴ്ച ഉച്ചയ്ക്ക് ശേഷമുള്ള മറ്റൊരു വിമാനം യാത്രയ്ക്ക് ഒരുക്കിക്കൊടുക്കുകയും ചെയ്തു.അമേരിക്കയിലാണെങ്കിൽ ഏറ്റവും വലിയൊരു ആകാശ ദുരന്തമാണ് കഴിഞ്ഞ ആഴ്ചയിൽ സംഭവിച്ചത് . വാഷിങ്ടണിന് സമീപം റൊണാൾഡ് റീഗൻ ദേശീയ വിമാനത്താവളത്തിലിറങ്ങവെ യാത്രാവിമാനവും സൈനിക കോപ്ടറും കൂട്ടിയിടിച്ചുണ്ടായ അപകടത്തിൽ മരിച്ച 67 പേരാണ് മരിച്ചത് . അതിൽ
40ലേറെ ​പേരുടെ മൃതദേഹങ്ങൾ കണ്ടെടുത്തു. വിമാനത്തിലുണ്ടായിരുന്ന 64 പേരും കോപ്ടറിലുണ്ടായിരുന്ന മൂന്ന് സൈനികരുമാണ് കൊല്ലപ്പെട്ടത്.

യാത്രാ വിമാനത്തിൽ 60 യാത്രക്കാരും നാലു ജീവനക്കാരും ഹെലികോപ്ടറിൽ മൂന്ന് സൈനികരുമാണുണ്ടായിരുന്നത്.ആകാശത്തുവെച്ചുണ്ടായ കൂട്ടിയിടിക്ക് പിന്നാലെ വിമാനവും കോപ്ടറും തൊട്ടടുത്തുള്ള പോടോമാക് നദിയിൽ വീഴുകയായിരുന്നു.