ലോകത്തിലെ ഏറ്റവും പ്രായം കൂടിയ മുത്തശ്ശി എന്ന് വിശേഷിക്കപ്പെടുന്ന ചൈനയിലെ 'ലിൻ ഷെമു' അന്തരിച്ചു.122–ാം വയസിലാണ് അവർക്ക് അന്ത്യം സംഭവിച്ചത്. ഇതിനു മുൻപും ഈ മുത്തശ്ശിയെ കുറിച്ച് വാർത്തകൾ വന്നിരുന്നു .ചൈനയിലെ ഫുജിയാനിലാണ് ലിൻ ഷെമു ജനിച്ചത്. ഉറക്കത്തിനിടെ സമാധാനപരമായി ലോകത്തോട് വിടവാങ്ങിയെന്നാണ് ലിൻ ന്റെ കുടുംബം പറഞ്ഞത്. ചൈനയിൽ 1902 ജൂൺ 18 ന് ആണ് ലിൻ ഷെമു ജനിച്ചത്. അതായത് രേഖകൾ കൃത്യമാണെങ്കിൽ അവർ 122 വർഷവും 197 ദിവസവും ജീവിച്ചിരുന്നു എന്ന് അർത്ഥം.

ലിൻ ഷെമു വിന്റെ നിര്യാണത്തിൽ കുടുംബം അതീവ ദുഃഖം രേഖപ്പെടുത്തുകയും ചെയ്തു. കാരണം 'പ്രചോദനം' എന്ന വാക്കിന് തന്നെ പര്യായമാണ് അവരുടെ ജീവിതം. ഒരിക്കലും അടിപതറാത്ത ജീവിതത്തിൽ അവസാനകാലഘട്ടം വരെ അവർ സ്വന്തമായി തന്നെയാണ് പ്രാഥമിക ആവശ്യങ്ങൾ നിറവേറ്റി ജീവിച്ചത്.ക്വിങ് രാജവംശത്തിലെ ഗംഗ്‌സു കാലഘട്ടത്തിലാണ് ഇവർ ജനിക്കുന്നത്. അതായത് അകാലഘട്ടത്തിലെ ബ്രിട്ടീഷ് പ്രധാനമന്ത്രിയുമായിരുന്ന തിയോഡോർ റൂസ്‌വെൽറ്റും യുഎസ് പ്രസിഡന്റ് ലോർഡ് സാലിസ്ബറി കാലത്താണ് അവർ ജനിച്ചത്.

'ടൈറ്റാനിക്' എന്ന ചരിത്ര സംഭവം മുങ്ങുമ്പോൾ അവൾക്ക് അന്ന് വെറും 10 വയസ് മാത്രം ആയിരുന്നു പ്രായം. വിവാഹ ശേഷം ഏഴ് കുട്ടികൾക്ക് ജന്മം നൽകിയ സ്ത്രീയും കൂടിയാണ് ലിൻ. അതിനുശേഷം തന്റെ ജീവിതകാലം മുഴുവൻ ചൈനയിലെ ഷാങ്ഹായ്ക്കും ഹോങ്കോങ്ങിനും ഇടയിൽ സ്ഥിതി ചെയ്യുന്ന ചൈനീസ് പ്രവിശ്യയായഫുജിയാനിലാണ് ജീവിച്ചു വന്നത് .ശേഷം,വാർദ്ധക്യം മൂലം കാഴ്ച നഷ്ടപ്പെട്ടെങ്കിലും അവർ അവസാനം വരെയും അവരുടെ പ്രഥമിക ആവശ്യങ്ങൾ നിറവേറ്റി തന്നെയാണ് ജീവിച്ചത്. ഒരിക്കൽ കാൽ വഴുതി ഉണ്ടായ വീഴ്ചയിൽ രണ്ട് കാലുകൾക്കും പരിക്കേറ്റതും ഒഴിച്ചാൽ, ലിൻ ന് മറ്റ് ആരോഗ്യപരമായ ഒരു പ്രശ്നങ്ങളും തന്നെ ഉണ്ടായിരുന്നില്ല.