പലരാജ്യങ്ങളിലും ഇന്നും സ്വവർഗാനുരാഗം നിയമവിരുദ്ധമാണ് . പല നാടുകളിലും ഈ വിഭാഗങ്ങൾക്കെതിരെ വിമർശനം ഉയരുകയാണ് . അതിനിടയിൽ ചില ഞെട്ടിക്കുന്ന റിപ്പോർട്ടുകളാണ് പുറത്തു വരുന്നത് . ഇസ്രയേൽ തടവുകാരെ ലൈംഗിക പീ‌ഡനത്തിനിരയാക്കിയ സ്വവർഗാനുരാഗികളായ സ്വന്തം അംഗങ്ങളെ ഹമാസ് വധിച്ചതായി റിപ്പോർട്ട്. ഇവരെ ക്രൂരമായി ഉപദ്രവിച്ചതിനുശേഷം വധിച്ചതായാണ് ഹമാസിന്റെ രഹസ്യ രേഖകൾ പുറത്തുവന്നതിൽ വ്യക്തമാക്കുന്നത്.2023 ഒക്‌ടോബറിലെ ആക്രമണത്തിനിടെ തടവിലാക്കിയ നിരവധി ഇസ്രയേലി പുരുഷന്മാരെ അനേകം ഹമാസ് അംഗങ്ങൾ ലൈംഗിക പീഡനത്തിനിരയാക്കിയതായും റിപ്പോർട്ടിൽ പറയുന്നു.

തങ്ങളുടെ 'ധാർമ്മികത' പാലിക്കാതെ സ്വവർഗരതിയിൽ ഏർപ്പെട്ട നിരവധി അംഗങ്ങളുടെ പട്ടിക ഹമാസിന്റെ പക്കലുണ്ടായിരുന്നതായും അതിന് കനത്ത വിലയാണ് അവർക്ക് നൽകേണ്ടി വന്നതെന്നും ന്യൂയോർക്ക് പോസ്റ്റിന്റെ റിപ്പോർട്ടിൽ വെളിപ്പെടുത്തുന്നു.സ്വവർഗാനുരാഗം ഗാസയിൽ നിയമവിരുദ്ധമാണ്. കുറ്റകൃത്യത്തിൽ ഏർപ്പെടുന്നവർക്ക് തടവുശിക്ഷയോ വധശിക്ഷയോ ആണ് ലഭിക്കുന്നത്. ഇത്തരം കുറ്റകൃത്യത്തിൽ ഏർപ്പെട്ട 94 അംഗങ്ങളുടെ പട്ടികയാണ് ഹമാസിന്റെ പക്കലുണ്ടായിരുന്നത്. സ്വവർഗാനുരാഗവുമായി ബന്ധപ്പെട്ട സംഭാഷണങ്ങളിൽ ഏർപ്പെട്ടു, നിയമപരമായ ബന്ധമില്ലാതെ പെൺകുട്ടികളുമായി സല്ലപിച്ചു, പ്രകൃതിവിരുദ്ധ ലൈംഗികബന്ധത്തിൽ ഏർപ്പെട്ടു,

ദൈവത്തെ ശപിച്ചു, ഫേസ്‌ബുക്കിലൂടെ പ്രണയബന്ധങ്ങളിൽ ഏർപ്പെട്ടു എന്നിങ്ങനെയുള്ള കുറ്റങ്ങളാണ് ഇവർക്കെതിരെ ചുമത്തിയത്. പ്രായപൂർത്തിയാകാത്ത കുട്ടികളെ ലൈംഗികമായി പീഡിപ്പിച്ചതിന്റെ ആരോപണങ്ങളും റിപ്പോർട്ടിലുണ്ട്.ട്രംപ് അധികാരത്തിൽ വന്നപ്പോഴും ആദ്യം കൊണ്ട് വന്ന ചില മാറ്റങ്ങളിൽ ഒന്നായിരുന്നു ഈ രാജ്യത്ത് ആണും പെണ്ണും മാത്രം മതി മറ്റുള്ള വിഭാഗത്തിൽ പെടുന്നവർ ഒന്നും അമേരിക്കയിൽ വേണ്ട എന്നുള്ളത് . അതിനെതിരെയും സമ്മിശ്ര പ്രതികരണം ആണ് ആളുകളുടെ ഭാഗത്തു നിന്നും ഉണ്ടായത് . ചിലർ അതിനെ കയ്യടിച്ച് പ്രോത്സാഹിപ്പിച്ചപ്പോൾ ചിലർ അതിനെ എതിർക്കുന്നതും കാണാമായിരുന്നു .

ഇന്നും കൂടി അതിന്റെ ഭാഗമായി ഒരു മാറ്റം ട്രംപ് കൊണ്ട് വന്നു , അതായത് ട്രാൻസ്‌ജെൻഡർ അത്‌ലീറ്റുകൾ വനിതാ കായിക ഇനങ്ങളിൽ പങ്കെടുക്കുന്നതിൽ നിരോധനം ഏർപ്പെടുത്തി യുഎസ്. ഇതുസംബന്ധിച്ച ഉത്തരവിൽ പ്രസിഡന്റ് ഡോണൾഡ് ട്രംപ് ഒപ്പുവച്ചു. ‘‘വനിതാ അത്‌ലീറ്റുകളുടെ അഭിമാനകരമായ പാരമ്പര്യത്തെ ഞങ്ങൾ സംരക്ഷിക്കും. ഞങ്ങളുടെ സ്ത്രീകളെയും ഞങ്ങളുടെ പെൺകുട്ടികളെയും തല്ലാനും പരുക്കേൽപ്പിക്കാനും വഞ്ചിക്കാനും ഞങ്ങൾ പുരുഷന്മാരെ അനുവദിക്കില്ല. ഇനി മുതൽ വനിതാ കായിക വിനോദങ്ങൾ സ്ത്രീകൾക്ക് മാത്രമായിരിക്കും’’ – ട്രംപ് പറഞ്ഞു.ട്രാൻസ്‌ജെൻഡർ അത്‌ലീറ്റുകൾക്ക് വനിതാ ടീമുകളിൽ മത്സരിക്കാൻ അനുവദിക്കുന്നസ്കൂളുകൾക്ക് ഫെഡറൽ ഫണ്ട് നിഷേധിക്കാൻ സർക്കാർ ഏജൻസികൾക്ക് അധികാരം നൽകുന്നതാണ് ഉത്തരവ്.