പത്ത് ഇന്ത്യക്കാര്ക്കു വിധിച്ച വധശിക്ഷ ഒഴിവാക്കി
രണ്ടു വര്ഷം മുമ്പു പാക്കിസ്ഥാന്കാരന് കൊല്ലപ്പെട്ട കേസില് പത്ത് ഇന്ത്യക്കാര്ക്കു വിധിച്ച വധശിക്ഷ അല് ഐന് കോടതി ഒഴിവാക്കി. ഇവര് ജയില് ശിക്ഷ അനുഭവിച്ചാല് മതിയാകും. ബ്ലഡ് മണി വാങ്ങി കൊല്ലപ്പെട്ടയാളുടെ കുടുംബം മാപ്പു നല്കിയതിനെ തുടര്ന്നാണു വധശിക്ഷ ഒഴിവായത്.
രണ്ടു പ്രതികള് മൂന്നര വര്ഷവും മൂന്നു പേര് മൂന്നു വര്ഷവും രണ്ടു പേര്ക്ക് ഒന്നരവര്ഷവും ബാക്കി മൂന്നു പേര്ക്ക് ഓരോ വര്ഷം വീതവുമാണു ശിക്ഷ വിധിച്ചിരിക്കുന്നത്. പ്രതികള്ക്കും കുടുംബത്തിനും ആശ്വാസം പകരുന്ന വിധിയാണെന്ന് ഇന്ത്യന് എംബസി ഫസ്റ്റ് സെക്രട്ടറി ദിനേശ്കുമാര് പറഞ്ഞു.
ദരിദ്രകുടുംബങ്ങളില്നിന്നുള്ള ഇവര്ക്കു പിന്തുണ നല്കുമെന്നും അദ്ദേഹം അറിയിച്ചു. 2015 ജൂലൈ മുതല് ഇവര് ജയിലില് കഴിയുകയാണ്. 2016 ഒക്ടോബറിലാണ് ഇവര്ക്കു കോടതി വധശിക്ഷ വിധിച്ചത്.
പ്രതികള്ക്കു വേണ്ടി ഒരു ചാരിറ്റബിള് സംഘടന ബ്ലഡ് മണി കെട്ടിവച്ച സാഹചര്യത്തില് അഞ്ചു പേര്ക്കു നാട്ടിലേക്കു മടങ്ങാന് കഴിയും. മറ്റുള്ളവര്ക്കു ശിക്ഷാ കാലാവധി പൂര്ത്തിയാക്കണം. അലഐനിലെ ഒരു അനധികൃത മദ്യക്കടയില് വച്ചുണ്ടായ തര്ക്കത്തിനിടയിലാണ് പാക്കിസ്ഥാന്കാരന് കൊല്ലപ്പെട്ടത്. തുടര്ന്ന് ഇന്ത്യക്കാര് പിടിയിലാകുകയായിരുന്നു. കൊല്ലപ്പെട്ടയാളിന്റെ കുടുംബത്തെ ബോധ്യപ്പെടുത്താന് ഏറെ പ്രയാസപ്പെട്ടുവെന്ന് സംഘടനാ ഭാരവാഹികള് പറഞ്ഞു. ശിക്ഷാ കാലാവധി കഴിഞ്ഞവര്ക്ക് ഇന്ത്യന് എംബസി ടിക്കറ്റും ഔട്ട്പാസും നല്കും.
https://www.facebook.com/Malayalivartha
