മെക്സിക്കോയില്‍ ഹെലികോപ്റ്റർ തകർന്നു വീണ് 14 പേര്‍ മരിച്ചു. മെ​ക്സി​ക്കോ ആ​ഭ്യ​ന്ത​ര​മ​ന്ത്രി അ​ൽ​ഫോ​ൻ​സോ ന​വ​ര​ത്തെ​യേ​യും ഗ​വ​ർ​ണ​ർ അ​ലെ​ജെ​ൻ​ഡ്രോ മു​റെ​യേ​യും വ​ഹി​ച്ചു​കൊ​ണ്ടു​ള്ള ഹെ​ലി​കോ​പ്റ്റ​റാ​ണ് അ​പ​ക​ട​ത്തി​ൽ​പ്പെ​ട്ട​ത്. മെക്സിക്കോയില്‍ ഭൂകമ്പ ബാധിത മേഖല സന്ദര്‍ശിക്കാനെത്തിയതായിരുന്നു ഇവർ. ഹെലികോപ്റ്റർ ജനക്കൂട്ടത്തിനു മുകളിലൂടെ തകർന്നുവീഴുകയായിരുന്നു. ഇ​രു​വ​രും അ​ത്ഭു​ത​ക​ര​മാ​യി ര​ക്ഷ​പ്പെ​ട്ടെ​ന്നാ​ണ് വി​വ​രം. മെ​ക്സി​ക്ക​ൻ ആ​ഭ്യ​ന്ത​ര​വ​കു​പ്പാ​ണ് ഇ​ത് സം​ബ​ന്ധി​ച്ച വി​വ​രം പു​റ​ത്തു​വി​ട്ട​ത്.

മരിച്ചവരിൽ ഒരു കുട്ടിയുമുണ്ട്. ഓക്സാകയില്‍ ഇന്നലെ റിക്ടര്‍ സ്കെയിലില്‍ 7.2 തീവ്രതയുള്ള ഭൂചലനം അനുഭവപ്പെട്ടിരുന്നു. നിരവധി കെട്ടിടങ്ങള്‍ തകര്‍ന്നുവീണെങ്കിലും ആളപായമുണ്ടായിരുന്നില്ല. തുടര്‍ച്ചയായ ഭൂചലനങ്ങളെ തുടര്‍ന്ന് ഭയപ്പെട്ടു പോയ പ്രദേശവാസികള്‍ സമീപത്തുള്ള വയലില്‍ അഭയം തേടിയതായിരുന്നു. സാന്റിയാഗോ ജെമിതെപില്‍ ലാന്‍ഡിംഗിന് ശ്രമിക്കുന്നതിനിടെയാണ് ഹെലികോപ്ടര്‍ നിയന്ത്രണം വിട്ട് താഴേക്ക് പതിച്ചത്. ഭൂചലനത്തെ തുടര്‍ന്ന് വീടുകളില്‍ നിന്ന് ഒഴിഞ്ഞ് തുറസ്സായ സ്ഥലത്ത് തമ്പടിച്ചവരുടെ വാഹനങ്ങളുടെ മുകളിലേക്കാണ് ഹെലികോപ്റ്റർ പതിച്ചത്. ഗ്രാമത്തില്‍ പല തവണ ചുറ്റിയടിച്ച്‌ നിരീക്ഷണം നടത്തിയ ശേഷമാണ് ഹെലികോപ്ടര്‍ നിലത്തിറങ്ങാന്‍ ശ്രമിക്കുകയായിരുന്നു. പ്രദേശത്ത് വൈദ്യുതി ബന്ധം തകരാറിലായിരുന്നു.