ദുബായില്‍ നിന്ന് ആംസ്റ്റര്‍ഡാമിലേയ്ക്ക് പുറപ്പെട്ട വിമാനത്തിൽ യാത്രക്കാര്‍ തമ്മില്‍ പൊരിഞ്ഞ വഴക്ക്. ഒടുവിൽ കൂട്ടത്തല്ലായതോടെ എമര്‍ജന്‍സി ലാന്‍ഡ് ചെയ്യണ്ടി വന്നു. ബഹളം കേട്ട് മറ്റുള്ളവർ കാര്യം ആരാഞ്ഞപ്പോഴാണ് രസകരമായ കാരണം പുറത്താകുന്നത്. വിമാനയാത്രക്കാരില്‍ ഒരാള്‍ മറ്റ് യാത്രക്കാര്‍ക്ക് ശല്യമുണ്ടാകുന്ന രീതിയില്‍ പെരുമാറിയതാണ് പ്രശ്നങ്ങള്‍ക്ക് കാരണമായത്. മറ്റുയാത്രക്കാരെ ശല്യമുണ്ടാകുന്ന രീതിയിൽ തുടര്‍ച്ചയായി അധോവായു വിട്ടതാണ് വഴക്കിനു കാരണമായത്.

ഡച്ചുകാരനായ ഒരു യാത്രക്കാരനാണ് പ്രശ്നത്തിന് കാരണം. തന്റെ അസുഖം മൂലമാണ് അധോവായു ഉണ്ടായതെന്നും യാത്രക്കാരെ ശല്യപ്പെടുത്താന്‍ ഉദ്ദേശമുണ്ടായിരുന്നില്ലെന്നും ഇയാള്‍ പറഞ്ഞു. യാത്രക്കാരന്റെ പ്രവര്‍ത്തി ശല്യപ്പെടുത്തുന്നതാണെന്ന് നിരവധി തവണ വിമാനത്തിലെ ജീവനക്കാരോട് പരാതിപ്പെട്ടിട്ടും യാത്രക്കാരന്‍ അത് കാര്യമാക്കാതെ വന്നതോടെയാണ് സഹയാത്രികര്‍ ചൂടായത്.