ലൈംഗികാനുഭവം ബാല്ക്കണി മുതല് ബാത്ത് ടബ് വരെ....സോഫ മുതല് ഇടനാഴിവരെ
രാജ്യത്തെ വിവിധ നഗരങ്ങളിലുള്ള പഞ്ചനക്ഷത്ര ഹോട്ടലുകളില് പോയി താമസിച്ച് സെക്സിലേര്പ്പെടുന്നത് വിവരിച്ച് ദമ്പതികള്. 23കാരിയായ ജെസ്സീക്ക ഡി അര്ജന്റിനും 26കാരനായ ജസ്റ്റിന് എംഗല്ക്കിനുമാണ് ഇത്തരത്തില് ഒരു ദൗത്യത്തിന് ഇറങ്ങിതിരിച്ചത്. ഇത് വെറുതെ സമയം കളയാന് വേണ്ടിയല്ല ഇത് ഇവര്ക്കൊരു ജോലിയാണ്. ഇതിനവര്ക്ക് പ്രതിഫലവും ലഭിക്കും. ഓരോ ഹോട്ടലുകളിലെയും അനുഭവത്തെ കുറിച്ച് വിശദമായി ബ്ലോഗില് വിവരിക്കുക.
പ്ലേസസ് ഓഫ് ഇന്റിമസി എന്ന ഇറോട്ടിക് ബ്ലോഗാണ് അപൂര്വമായ അനുഭവങ്ങള് വിവരിക്കുന്നതിനായി ദമ്പതിമാരെ ദൗത്യമേല്പ്പിച്ചത്. സിഡ്നി, മെല്ബണ്, ബൈറണ് ബേ, ടാസ്മാനിയ, വെസ്റ്റേണ് ഓസ്ട്രേലിയ തുടങ്ങിയ ഇടങ്ങളിലായി 14 രാത്രികള് ജസീക്കയും ജസ്റ്റിനും ആഘോഷിച്ചു. ഓരോ സ്ഥലത്തും അവര്ക്കുണ്ടായ പ്രത്യേക അനുഭവമാണ് വിവരിക്കേണ്ടിയിരുന്നത്.
ഓരോ ഹോട്ടലിലെയും സൗകര്യങ്ങള് എങ്ങനെ ലൈംഗികാനുഭവത്തെ മികച്ചതാക്കിയെന്നാണ് ബ്ലോഗിലൂടെ വായനക്കാര്ക്ക് പകര്ന്നുനല്കേണ്ടിയിരുന്നത്. ചില ഹോട്ടലുകളിലെ ഷവറും കസേരകളുമാണ് ജെസീക്കയെ ഉണര്ത്തിയതെങ്കില്, മറ്റു ചിലയിടത്ത് ഹോട്ടലിലേക്കുള്ള പ്രവേശന കവാടം പോലും അവരെ പുതിയൊരു ആനന്ദത്തിലേക്ക് നയിച്ചു.
ആറുവര്ഷമായി ഒരുമിച്ച് ജീവിക്കുന്ന ജെസ്സീക്കയും ജസ്റ്റിനും പോലെ വേറെയും ദമ്പതിമാരെ ബ്ലോഗ് ഈ ദൗത്യമേല്പ്പിച്ചിരുന്നു. പല രാജ്യങ്ങളില്നിന്നുള്ള പത്ത് ദമ്പതിമാരാണ് നിയോഗിക്കപ്പെട്ടത്. സ്കിന് എന്ന ഗര്ഭനിരോധന ഉറ നിര്മ്മാതാക്കള് നടത്തുന്ന സവിശേഷമായ ട്രാവല് ബ്ലോഗാണ് പ്ലേസസ് ഓഫ് ഇന്റിമസി. ഓരോ ഹോട്ടലില്നിന്നും പകര്ത്തിയ ചൂടന് ചിത്രങ്ങളും ബ്ലോഗിനൊപ്പം നല്കിയിട്ടുണ്ട്. ബാല്ക്കണി മുതല് ബാത്ത് ടബ് വരെ, സോഫ മുതല് ഇടനാഴിവരെ ഹോട്ടലുകളിലെ അന്തരീക്ഷം നിങ്ങളുടെ വികാരങ്ങളെ എങ്ങനെയുണര്ത്തുന്നുവെന്നത് വിശദമാക്കുന്നതാണ് ഈ ട്രാവല് ഗൈഡെന്ന് കമ്പനി അവകാശപ്പെടുന്നു.
ലൈംഗികാനുഭവങ്ങളല്ല, ഹോട്ടലുകളെക്കുറിച്ചാണ് തങ്ങളെഴുതുന്നതെന്ന് ജസ്റ്റിന് പറഞ്ഞു. തന്റെ കുടുംബാംഗങ്ങളും സുഹൃത്തുക്കളും ഈ ഉദ്യമത്തെ അഭിനന്ദിച്ചുവെന്നും അയാള് പറയുന്നു. ഇന്സ്റ്റഗ്രാമിലൂടെ നടത്തിയ മത്സരത്തിലൂടെയാണ് സ്കിന് ഇതിലെ ദമ്പതിമാരെ തിരഞ്ഞെടുത്തത്.
ടാസ്മാനിയയിലെ ദ വിഡിഎല്, ബൈറോണ് ബേയിലെ ദ അറ്റ്ലാന്റിക്, മെല്ബണിലെ ദ ഒവോലോ, സിഡ്നിയിലെ ദ ഓള്ഡ് ക്ലെയര് ഹോട്ടല്, വെസ്റ്റേണ് ഓസ്ട്രേലിയയിലെ ദ എംപയര് സ്പാ റിസോര്ട്ട് എന്നീ ഹോട്ടലുകളിലാണ് ജെസ്സീക്കയും ജസ്റ്റിനും താമസിച്ചത്.
https://www.facebook.com/Malayalivartha
