സെമി ഓട്ടോമാറ്റിക് തോക്കുകളെ ഓട്ടോമാറ്റിക് തോക്കുകളാക്കി മാറ്റുന്ന ഉപകരണങ്ങള് നിരോധിക്കാന് ട്രംപ് ഭരണകൂടത്തിന്റെ നീക്കം
സെമി ഓട്ടോമാറ്റിക് തോക്കുകളെ ഓട്ടോമാറ്റിക് തോക്കുകളാക്കി മാറ്റുന്ന ഉപകരണങ്ങള് നിരോധിക്കാന് ട്രംപ് ഭരണകൂടത്തിന്റെ നീക്കം. ഫ്ലോറിഡയിലെ സ്കൂളില് 17 കുട്ടികളുടെ മരണത്തിനിടയാക്കിയ ആക്രമണം നടന്ന ശേഷം അമേരിക്കയിലാകെ തോക്കുകള് കൈവശം വെക്കുന്നതിനെതിരെ ശക്തമായ പ്രതിഷേധങ്ങള് അരങ്ങേറുകയാണ്. അതിനിടെയാണ് സെമി ഓട്ടോമാറ്റിക്ക് തോക്കുകളെ പൂര്ണമായും ഓട്ടോമാറ്റിക് തോക്കുകളാക്കാന് സഹായിക്കുന്ന ബംപ് സ്റ്റോക്ക്സ് നിരോധിക്കാന് ട്രംപ് തീരുമാനിച്ചതായി റിപ്പോര്ട്ടുകള് വരുന്നത്.
തോക്കുകള് സ്വന്തമാക്കുന്നവരുടെ പശ്ചാത്തലം മനസിലാക്കാനുള്ള ശ്രമങ്ങള് കൂടുതല് ഫലവത്താക്കാന് സര്ക്കാര് തീരുമാനിച്ചുവെന്നുള്ള വാര്ത്ത നേരത്തെ വൈറ്റ്ഹൗസ് പുറത്തുവിട്ടിരുന്നു. സ്കൂളുകളുടെ സുരക്ഷ വളരെ പ്രധാനമാണെന്നും സുരക്ഷ വര്ധിപ്പിക്കുന്ന കാര്യങ്ങള് തീരുമാനിക്കാന് വരും ആഴ്ചകളില് രാജ്യത്തെ 50 സംസ്ഥാനങ്ങളിലെ ഗവര്ണര്മാരുടെ യോഗം ചേരുമെന്നും ട്രംപ് അറിയിച്ചു.
2017 ഒക്ടോബറില് നടന്ന ലാസ് വേഗസ് ആക്രമണത്തിനു ശേഷം തന്നെ ബംപ് സ്റ്റോക്കുകള് നിരോധിക്കാനുള്ള ആവശ്യമുയര്ന്നിരുന്നു.തോക്കുകളെ മെഷീന് ഗണ്ണാക്കി മാറ്റാന് സഹായിക്കുന്ന എല്ലാ ഉപകരണങ്ങളും നിരോധിക്കണമെന്ന് നാഷണല് റൈഫിള് അസോസിയേഷനും ആവശ്യപ്പെട്ടു.
https://www.facebook.com/Malayalivartha
