9000 വര്‍ശങ്ങൾക്കു മുൻപ് മനുഷ്യൻ ജീവിച്ചിരുന്നതായി പുതിയ റിപ്പോർട്ടുകൾ പുറത്തു വന്നു. മെക്സിക്കോവിലെ പ്രാചീന ഗുഹയില്‍ നിന്നും പുരാവസ്തു ഗവേഷകര്‍ക്ക് 9000 ത്തോളം വർഷം പഴക്കമുള്ള മനുഷ്യാവശിഷ്ടങ്ങള്‍ ലഭിച്ചതിനെത്തുടർന്നുള്ള കണ്ടെത്തലാണിത്. പ്രശസ്ത ഓൺലൈൻ ന്യൂസ് ഏജൻസി റോയേറ്റേഴ്സ് ആണ് റിപ്പോർട്ടുകൾ പുറത്തു വിട്ടത്. അക്കാലത്തു ജീവിച്ചിരുന്ന ജന്തുക്കളുടെ അസ്ഥിയും മറ്റും കണ്ടെത്തിയവയിൽ ഉൾപ്പെടുന്നു.

ഹിമയുഗത്തിലും മനുഷ്യ സാന്നിദ്ധ്യം തെളിയിക്കുന്ന നിര്‍ണ്ണായക ശാസ്ത്രീയ കണ്ടെത്തല്‍ പല പൂര്‍വ്വ വിശ്വാസങ്ങള്‍ക്കും അടിത്തറയായി മാറും. വന്‍ വെള്ളപ്പൊക്കത്തില്‍ മുങ്ങിപ്പോയ ഗുഹയില്‍ ഒരു കൂട്ടം ഗവേഷകര്‍ നടത്തിയ മുങ്ങിത്തപ്പല്‍ ഗവേഷണത്തിലാണ് കിഴിക്കന്‍ മെക്സിക്കോയിലെ സാക് ആക്ടണില്‍ ഈ കണ്ടെത്തല്‍.

മനുഷ്യ ശരീരത്തിന്റെ അവശിഷ്ടം, ആനയുടെ അസ്ഥി, പ്രത്യേക ഇനം കരടി, തേവാങ്ക് തുടങ്ങിയവയുടെ ശരീരാവശിഷ്ടങ്ങള്‍ തുടങ്ങിയവ കണ്ടെത്തിയവയില്‍ പെടുന്നുവെന്ന് മെക്സിക്കയുടെ സാംസ്കാരിക മന്ത്രാലയം അറയിച്ചു.

പ്ലീസ്റ്റോസീന്‍ കാലം എന്ന് വിളിക്കപ്പെടുന്ന, 26 ലക്ഷം വര്‍ഷങ്ങള്‍ മുതല്‍ 11,700 വര്‍ഷം മുൻപുവരെ നിലനിന്നിരുന്ന കാലത്തെ ജീവികളുടെ അവശിഷ്ടങ്ങളാണ് ഇതെന്ന് കരുതുന്നുവെന്ന് ഗവേഷകര്‍ പറയുന്നു.

ജലാന്തര്‍ഭാഗത്ത് നടത്തിയ ഗവേഷണങ്ങളില്‍ ഏറ്റവും പഴയതും ഏറെ പ്രധാനപ്പെട്ടതുമായ കണ്ടെത്തലാണിതെന്ന് മെക്സിക്കോ നരവംശശാസ്ത്ര പഠന ഗവേഷണ കേന്ദ്രത്തിലെ ഗവേഷകന്‍ ഗ്വില്ലേര്‍മോ ദെ ആന്ദാ പറഞ്ഞു.