പ്രശസ്ത ഓണ്‍ലൈന്‍ സൈറ്റായ ആമസോണില്‍ ബുക്ക് ചെയ്ത ഉപഭോക്താവിന് ലഭിച്ചത് ഒരു കുപ്പി നിറയെ മൂത്രം. ഫെബ്രുവരി 10 നു തനിക്ക് ലഭിച്ച കുപ്പിയുടെ ചിത്രവും വിവരങ്ങളും ആമസോണിന്റെ ഔദ്യോഗിക ഫേസ്ബുക്ക് പേജില്‍ പേര് വെളിപ്പെടുത്താനാഗ്രഹിക്കാത്ത ഒരു ഉപഭോക്താവ് പോസ്റ്റ് ചെയ്തു.

താൻ ആമസോൺ സൈറ്റിൽ കണ്ട ഒരു ലാമ്പിനാണ് ഓർഡർ നല്കിയിരുന്നതെന്നും എന്നാൽ വന്നെത്തിയ പാക്കറ്റ് പൊട്ടിച്ചപ്പോൾ ആകെ പരിഭ്രമിച്ചുപോയെന്നും ഈ 30 കാരൻ പറയുന്നു. കൈ പല തവണ കഴുകിയിട്ടും തനിക്ക് തൃപ്തിയായില്ലെന്നും 30 കാരനായ യുവാവ് ഖേദിക്കുന്നു. ഇത് നഷ്ടപരിഹാരം ആഗ്രഹിച്ചല്ല പോസ്റ്റ് ചെയ്യുന്നത്. മറ്റൊരാള്‍ക്കാണ് ഇത് ലഭിക്കുന്നതെങ്കില്‍, അത് കുടിച്ചുനോക്കിയിരുന്നെങ്കില്‍ എന്താകുമായിരുന്നു സ്ഥിതി എന്നും ഇയാള്‍ ചോദിക്കുന്നു.

സംഭവത്തിൽ മാപ്പു ചോദിക്കുകയും എത്രയും വേഗത്തിൽ അന്വേഷണം ആരംഭിക്കുമെന്നും കാരണക്കാർക്കെതിരെ നടപടി എടുക്കുമെന്നും വ്യകത്മാക്കി ആമസോൺ രംഗത്തെത്തിയിട്ടുണ്ട്.

കഴിഞ്ഞ ഡിസംബറില്‍ ആമസോണ്‍ ഡ്രൈവര്‍മാര്‍ പാര്‍സല്‍ ബോക്സില്‍ മൂത്രമൊഴിച്ച്‌ വയ്ക്കുന്നതായി കണ്ടെത്തിയിരുന്നു. മൂത്രമൊഴിക്കാന്‍ പോലും സമയമില്ലാത്തതാണ് ഇതിന് കാരണമെന്ന് പിന്നീട് കണ്ടെത്തിയിരുന്നു.

ഓരോരുത്തരും 12 മണിക്കൂറില്‍ കൂടുതലാണ് ജോലി ചെയ്യുന്നത്. എന്നാല്‍ യു കെ നിയമപ്രകാരം 11 മണിക്കൂറില്‍ കൂടുതല്‍ ഒരു ഡ്രൈവര്‍ പോലും ജോലി ചെയ്യരുതെന്ന നിയമം നിലനിൽക്കുന്നുണ്ട്.