പാകിസ്ഥാന്‍ പ്രധാനമന്ത്രി ഷാഹിദ് ഖഖാന്‍ അബ്ബാസിയെ ന്യൂയോര്‍ക്ക് ജെ.എഫ്.കെ അന്താരാഷ്ട്ര വിമാനത്താവളത്തില്‍ വച്ച് സുരക്ഷാ പരിശോധനയ്ക്ക് വിധേയനാക്കി. കഴിഞ്ഞ അമേരിക്കന്‍ സന്ദര്‍ശനത്തിനിടെയാണ് സംഭവം. പരിശോധന കഴിഞ്ഞ് പുറത്ത് വരുന്ന അബ്ബാസിയുടെ ദൃശ്യങ്ങള്‍ സഹിതം പാകിസ്ഥാന്‍ ടെലിവിഷന്‍ ചാനലുകളാണ് ഇക്കാര്യം പുറത്ത് വിട്ടത്. പാക് ഭരണകൂടത്തിന്റെ ഭാഗമായ വ്യക്തികള്‍ക്കെതിരെ അമേരിക്ക വിസ നിയന്ത്രണം ഉള്‍പ്പെടെ നടപ്പിലാക്കുമെന്ന് നേരത്തെ തന്നെ വാര്‍ത്തകളുണ്ടായിരുന്നു. ഇതിന് പിന്നാലെയാണ് അബ്ബാസിയുടെ സുരക്ഷ പരിശോധന പാക് മാദ്ധ്യമങ്ങള്‍ പുറത്ത് വിട്ടത്.

അസുഖബാധിതയായ സഹോദരിയെ സന്ദര്‍ശിക്കാന്‍ എത്തിയപ്പോഴാണ് സംഭവം. സന്ദര്‍ശനത്തിനിടെ അമേരിക്കന്‍ വൈസ് പ്രസിഡന്റ് മൈക് പെന്‍സുമായി അബ്ബാസി കൂടിക്കാഴ്ച നടത്തിയിരുന്നു. തീവ്രവാദികള്‍ക്കെതിരെ ശക്തമായ നടപടി വേണമെന്ന് സന്ദര്‍ശനത്തിനിടെ പെന്‍സ് അബ്ബാസിയോട് പറഞ്ഞിരുന്നു.