ബിഷപ്പ് ഫ്രാങ്കോമുളയ്ക്കല് കന്യാസ്ത്രീയെ പലതവണ പ്രകൃതിവിരുദ്ധ പീഡനത്തിനിരയാക്കി, അന്യായമായി തടഞ്ഞുവെച്ചു, ഒടുവില് സഭാ അധികാരികളുടെ വാതിലില് മുട്ടി, അതോടെ പലതരത്തിലുള്ള പീഡനങ്ങളും വധഭീഷണിയും തുടങ്ങി, ഒടുവില് നീതി ലഭിക്കാന് നിയമവഴി തേടി
അറസ്റ്റിലായ ഫ്രാങ്കോ മുളയ്ക്കലിനെ അഴിക്കുള്ളിലാക്കാതിരിക്കാന് വന് നീക്കം. അറസ്റ്റു രേഖപ്പെടുത്തിയ പൊലീസ് ഔദ്യോഗിക സ്ഥിരീകരണം ഇതു വരെ പുറത്തു വിട്ടിട്ടില്ല. പഞ്ചാബില് നിന്നുള്ള അഭിഭാഷകരും ഫ്രാങ്കോയുടെ ഉറ്റ ബന്ധുക്കളും കേരളത്തിലെ മുതിര്ന്ന അഭിഭാഷകരുമടക്കം വമ്പന്മാരുടെ ഒരു നീണ്ട നിര ഫ്രാങ്കോയുടെ രക്ഷയ്ക്കുണ്ട്. താമസിക്കാതെ എസ്.പി മാധ്യമങ്ങളെ കണ്ട് അറസ്റ്റ് ഔപചാരികമായി അറിയിക്കും
മഠം സന്ദര്ശിക്കാനെന്ന പേരില് കുറവിലങ്ങാട്ടെത്തിയ ഫ്രാങ്കോ മുളയ്ക്കല് രാത്രിയില് അവിടെ തങ്ങിയിടത്ത് നിന്നാണ് കേസിന്റെ തുടക്കം. ളോഹ ഇസ്തിരിയിട്ടു നല്കാന് കന്യാസ്ത്രീയോടാവശ്യപ്പെട്ടു. തുടര്ന്ന് ലൈംഗിക ബന്ധത്തിലേര്പ്പെടാനും . പിന്നീട് തുടര്ച്ചയായി കന്യാസ്ത്രീയെ ലൈംഗികമായി ഉപയോഗിച്ചു. പ്രകൃതി വിരുദ്ധ പീഡനമുള്പ്പെടെയുള്ള മൃഗീയതകളാണ് ബിഷപ്പ് കാട്ടിക്കൂട്ടിയത്. കൂടാതെ ഇടയനോടൊപ്പം ഒരു ദിവസം എന്ന പേരില് 18 കന്യാസ്ത്രീകളെ ബിഷപ്പ് ലൈംഗികമായി ഉപയോഗിച്ചു എന്നും കുറ്റപത്രത്തില് പറയുന്നു.് . പ്രാര്ത്ഥനാലയവും ലൈംഗിക ചൂഷണത്തിനുപയോഗിച്ചു.
കുറ്റപത്രത്തിലെ പ്രസക്ത ഭാഗങ്ങള്
ബിഷപ്പ് ഫ്രാങ്കോ മുളയ്ക്കല് പരാതിക്കാരിയായ കന്യാസ്ത്രീയെ പ്രകൃതി വിരുദ്ധപീഡനം നടത്തിയെന്ന് അന്വേഷണ സംഘം കണ്ടെത്തി. റിമാന്ഡ് റിപ്പോര്ട്ടില് ഇക്കാര്യം വ്യക്തമാക്കിയിട്ടുണ്ട്. ഇതേ തുടര്ന്ന് ഐ.പി.സി 377ാം വകുപ്പ് പ്രതിക്കെതിരെ ചുമത്തി. അധികാരപദവിയും സ്വാധീനവും ഉപയോഗിച്ച് സ്വന്തം സഭയിലെ കന്യാസ്ത്രീയെ ബലാല്സംഗം ചെയ്തു. അതിന് ഐ.പി.സി 376ാം വകുപ്പും അപായപ്പെടുത്തുമെന്ന് ഭീഷണിപ്പെടുത്തിയതിന് ഐ.പി.സി 506 വകുപ്പും അന്യായമായി തടഞ്ഞ് വെച്ചതിന് ഐ.പി.സി 342ാം വകുപ്പും ഒരേ സ്ത്രീയെ തന്നെ ആവര്ത്തിച്ച് ബലാല്സംഗം ചെയ്തതിന് ഐ.പി.സി 376 (2) വകുപ്പും ചുമതിയാണ് റിമാന്ഡ് റിപ്പോര്ട്ട് തയ്യാറാക്കിയത്.
ബിഷപ്പ് കന്യാസ്ത്രീയെ പ്രകൃതിവിരുദ്ധ പീഡനം നടത്തിയെന്ന് ഹൈക്കോടതിയില് ആദ്യം സമര്പ്പിച്ച സത്യവാങ്മൂലത്തില് അന്വേഷണ സംഘം അറിയിച്ചിരുന്നു. എന്നാല് രണ്ടാമത് നല്കിയ സത്യാവാങ്മൂലത്തില് മൊഴികളില് വൈരുദ്ധ്യമുണ്ടെന്നും മൂന്ന് കൊല്ലം മുമ്പ് നടന്ന സംഭവമായതിനാല് സാങ്കേതിക തെളിവുകളും ശാസ്ത്രീയ തെളിവുകളും ശേഖരിക്കാന് കഠിനാധ്വാനം വേണമെന്നും ഹൈക്കോടതിയെ അറിയിച്ചു. ഇതോടെയാണ് പൊലീസിനെതിരെ രൂക്ഷവിമര്ശനം പൊതുസമൂഹത്തില് നിന്നുണ്ടായത്. എന്നാല് അന്വേഷണത്തില് അസ്വഭാവികമായി ഒന്നുമില്ലെന്ന് ഹൈക്കോടതി തൃപ്തി രേഖപ്പെടുത്തിയിരുന്നു. അത് ശരിവയ്ക്കുന്നതാണ് ഇന്നത്തെ അറസ്റ്റ്.
തന്നെ ബലാല്സംഗം ചെയ്തതിനെ തുടര്ന്ന് കന്യാസ്ത്രീ കരഞ്ഞുകൊണ്ട് മഠത്തിലുള്ള ചിലരോട് കാര്യങ്ങള് പറഞ്ഞതായി പൊലീസിന് മൊഴി ലഭിച്ചിട്ടുണ്ട്. മഠത്തില് കന്യാസ്ത്രീകള് ഉപയോഗിക്കുന്ന ടൂ വീലറിന്റെ ബാല്റ്റൂബ് ഊരിവിടാനോ, അല്ലെങ്കില് ബ്രേക്ക് മുറിച്ച് വയ്ക്കാനോ ജീവനക്കാരനോട് തോമസ് എന്നയാള് പറഞ്ഞതായി പൊലീസിന് പരാതി ലഭിച്ചിരുന്നു. ജോലിക്കാരന് മൊഴിയും നല്കിയിരുന്നു. തോമസ് എന്നയാള് ഫാ. ലോറന്സ് കുറ്റിപ്പറമ്പിലിന്റെ സഹോദരനാണ്. ഫാ. ലോറന്സ് കുറ്റിപ്പറമ്പിലും ബിഷപ്പ് ഫ്രാങ്കോ മുളയ്ക്കലും തമ്മില് വളരെ അടുത്തബന്ധമാണുള്ളത്.
https://www.facebook.com/Malayalivartha
