എയർ ഇന്ത്യയ്ക്ക് പിന്നാലെ പരീക്ഷണാടിസ്ഥാനത്തിൽ രണ്ടാമത്തെ വിമാനവും കണ്ണൂർ രാജ്യാന്തര വിമാനത്താവളത്തിൽ പറന്നിറങ്ങി; കൊച്ചിയില്നിന്നും പുറപ്പെട്ട ഇന്ഡിഗോ വിമാനം ഉച്ചയോടെ റണ്വേയിലിറങ്ങി
കണ്ണൂർ രാജ്യാന്തര വിമാനത്താവളത്തിൽ പരീക്ഷണാടിസ്ഥാനത്തിൽ എയർ ഇന്ത്യ വിമാനത്തിന് പിന്നാലെ ഇന്ഡിഗോ വിമാനം പറന്നിറങ്ങി. കൊച്ചിയില്നിന്നും പുറപ്പെട്ട ഇന്ഡിഗോ വിമാനം വെള്ളിയാഴ്ച ഉച്ചയോടൊണ് റണ്വേയിലിറങ്ങിയത്.
കിയാല് അധികൃതരുടെ റിപ്പോര്ട്ട് പ്രകാരം വരും ദിവസങ്ങളില് കൂടുതല് വിമാനങ്ങള് പരിശോധനകളുടെ ഭാഗമായി പറന്നിറങ്ങുമെന്നാണ് ലഭിക്കുന്ന സൂചനകള്. 74 സീറ്റുകളുള്ള ഇന്ഡിഗോ വിമാനമാണ് വെള്ളിയാഴ്ച പരീക്ഷണ ലാന്ഡിംഗ് നടത്തിയത്.
വ്യാഴാഴ്ച എയര് ഇന്ത്യ എക്സ്പ്രസിന്റെ 189 സീറ്റുകളുള്ള ബോയിങ് 737-800 വിമാനം പരീക്ഷണ ലാന്ഡിംഗ് നടത്തിയിരുന്നു. പരീക്ഷണം വിജയകരമായി പൂര്ത്തിയാക്കിയാല് ഏത് കാലാവസ്ഥയിലും വിമാനത്താവളം പ്രവര്ത്തനക്ഷമമാക്കാനുള്ള അനുമതി ലഭ്യമാകുമെന്നാണ് അധികൃതർ അറിയിക്കുന്നത്.
വിമാനത്താവളത്തിന്റെ നടത്തിപ്പിനായി അന്തിമ അനുമതി നല്കണമെങ്കില് വിമാനം വിജയകരമായി ഇറക്കി ഫ്ലൈറ്റ് വാലിഡേഷന് പൂര്ത്തിയാക്കി ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡിജിസിഎ) റിപ്പോര്ട്ട് നല്കണം.
https://www.facebook.com/Malayalivartha
