ഗ്രൂപ്പിന് അതീതനായി, എല്ലാവരെയും ഒരുമിച്ച് കൊണ്ടുപോകാന് മുല്ലപ്പള്ളി രാമചന്ദ്രന് കഴിയുമെന്ന് ഹൈക്കമാന്ഡ് വിശ്വസിക്കുന്നു, കെ. സുധാകരനും എം.ഐ ഷാനവാസും കൊടിക്കുന്നിലും മുല്ലപ്പള്ളിക്കൊപ്പം ചേരുമ്പോള് കോണ്ഗ്രസ് ജനകീയ അടിത്തറ കൂടുതല് ശക്തമാകും
എം.എം ഹസന് വെന്റിലേറ്ററിലാക്കിയ കേരളാ പ്രദേശ് കോണ്ഗ്രസിനെ പിടിച്ചെഴുന്നേല്പ്പിക്കാന് മുല്ലപ്പള്ളി രാമചന്ദ്രന്റെ നേതൃത്വത്തില് സ്ഥാനം ഏറ്റെടുത്ത പുതിയ ടീമിന് കഴിയുമെന്ന ആത്മവിശ്വാസത്തിലാണ് നേതാക്കളും പ്രവര്ത്തകരും. സാധാരണ കെ.പി.സി.സി പ്രസിഡന്റിനെയും ഭാരവാഹികളെയും പ്രഖ്യാപിക്കുമ്പോള് പൊട്ടലും ചീറ്റലും പൊട്ടിത്തെറികളും സംഭവിക്കുന്നതാണ്. ഇക്കുറി അതുണ്ടായില്ല. മാത്രമല്ല ജനറല് സെക്രട്ടറിമാരെ തീരുമാനിക്കും മുമ്പ് ജംമ്പോ പട്ടിക നല്കാന് ഗ്രൂപ്പ് നേതാക്കളാരും മല്സരിച്ചില്ല എന്നതും ശ്രദ്ധേയമാണ്. നേതാക്കള്ക്കെല്ലാം മുല്ലപ്പള്ളി സര്വ്വസമ്മതനാണ്. മികച്ച പ്രവര്ത്തനം നടത്തിയും ഗ്രൂപ്പ് വീതം വയ്ക്കാതെ അര്ഹരെ മാത്രം പരിഗണിച്ചും കോണ്ഗ്രസിന് പുതിയ ദിശാബോധം നല്കാന് അദ്ദേഹത്തിന് കഴിയുമെന്നാണ് രാഷ്ട്രീയനിരീക്ഷകര് വിലയിരുത്തുന്നത്. പാര്ട്ടിയുമായി അകലം പാലിക്കുന്ന ഈഴവ സമുദായവുമായി അടുക്കാനും ഇതുവഴി കഴിയുമെന്ന് ഹൈക്കമാന്ഡ് കരുതുന്നു.
കെ.സുധാകരന്, എം.ഐ ഷാനവാസ്, കൊടിക്കുന്നില് സുരേഷ് എന്നിവരാണ് പുതിയ വര്ക്കിംഗ് പ്രസിഡന്റുമാര്. കോണ്ഗ്രസ് പ്രവര്ത്തകര്ക്ക് (പ്രത്യേകിച്ച് ഉത്തരകേരളത്തിലെ) എന്നും ആവേശമാണ് കെ.സുധാകരന്. സുധാകരനെ പോലൊരാള് വര്ക്കിംഗ് പ്രസിഡന്റായി വരുമ്പോള് അത് കണ്ണൂര് അടക്കമുള്ള വടക്കന് കേരളത്തില് കോണ്ഗ്രസിന് പുതിയ കരുത്ത് നല്കുമെന്നതില് സംശയമില്ല. യൂത്ത് കോണ്ഗ്രസ് പ്രവര്ത്തകര്ക്കിടയില് സുധാകരനോളം പിന്തുണയുള്ള മറ്റ് നേതാക്കള് വിരളമാണ്. അതുകൊണ്ട് സുധാകരന് നേതൃത്വത്തിലേക്ക് വരുമ്പോള് അത് യുവത്വത്തിനും ആവേശമാകും.
30 വര്ഷമായി കെ.പി.സി.സി ജനറല് സെക്രട്ടറിയായി പ്രവര്ത്തിച്ച എം.ഐ ഷാനവാസ് വര്ക്കിംഗ് പ്രസിഡന്റായി വരുന്നത് സംഘടനയുടെ അടിത്തട്ടിലുള്ള പ്രവര്ത്തനത്തിന് ബലം നല്കുമെന്നതില് സംശയമില്ല. മാത്രമല്ല ന്യൂനപക്ഷങ്ങള് കോണ്ഗ്രസുമായി അകന്ന് നില്ക്കുന്ന സാഹചര്യത്തില് ലോക്സഭാ തെരഞ്ഞെടുപ്പിനെ നേരിടാല് എം.പി കൂടിയായ ഷാനവാസിന്റെ പ്രവര്ത്തനവും കരുത്തും കോണ്ഗ്രസിന് അനിവാര്യമാണ്. എം.പിയെന്ന നിലയില് വയനാട്ടില് അദ്ദേഹം ജനങ്ങളുടെ ഇടയിലാണ് ഇപ്പോഴുമുള്ളത്.
കെ.എസ്.യുവിലൂടെയും യൂത്ത് കോണ്ഗ്രസിലൂടെയും കോണ്ഗ്രസില് വന്ന് എ.ഐ.സി.സി ജനറല്സെക്രട്ടറി പദവിയില് വരെ എത്തിയ കൊടിക്കുന്നില് സുരേഷിന്റെ പ്രവര്ത്തനമികവില് ആര്ക്കും സംശയമില്ല. സുരേഷിലൂടെ ദളിത് വിഭാഗങ്ങള്ക്കിടയില് വ്യക്തമായ ആധിപത്യം ഉറപ്പിക്കാനാണ് ഹൈക്കമാന്ഡ് ലക്ഷമിടുന്നത്. പ്രവര്ത്തന വിഭാഗം തലവനായി നിയമിച്ച കെ.മുരളീധരനെ പോലെ പ്രവര്ത്തകര്ക്കിടയിലും പൊതുസമൂഹത്തിനിടയിലും ആദരണീയനായ ഒരു കോണ്ഗ്രസ് നേതാവ് അപൂര്വമാണ്. ജനമനസ് അറിഞ്ഞ് പ്രവര്ത്തിക്കുന്ന നേതാവാണ് മുരളി. അദ്ദേഹത്തിന്റെ പുതിയ ചുമതല കോണ്ഗ്രസിനെ മറ്റൊരു ചാലകശക്തിയിക്കും എന്നതില് സംശയമില്ല.
https://www.facebook.com/Malayalivartha
