അബോധാവസ്ഥയിലുള്ള ബാലഭാസ്കറും ഭാര്യയും ഉണര്ന്നാല് മകളെപ്പറ്റി ചോദിച്ചാല് എന്ത് പറയും? പൊന്നോമനയെ അവസാനമായി കാണിക്കാനുള്ള ശ്രമം ഉപേഷിച്ചതിന് കാരണം അതവര്ക്ക് താങ്ങാനാവില്ല; കളിചിരിയുമായി കിലുക്കാംപെട്ടിയായി പിച്ചനടന്ന ത്വേജസിനിയുടെ അന്ത്യയാത്ര എല്ലാവരേയും കരയിപ്പിച്ചു
മലയാളികളുടെ മനസിലെ വേദനയായി ബാലഭാസ്കറിന്റെ പിഞ്ചോമന തേജസ്വിനി. പിഞ്ചോമനയുടെ മുഖം ഒന്നുകൂടി കാണാന് ബാലഭാസ്കറിനും ലക്ഷ്മിക്കുമായില്ല. അബോധാവസ്ഥയില് ആശുപത്രിയില് ചികിത്സയിലുള്ള അച്ഛനും അമ്മയുമറിയാതെ രണ്ടുവയസുകാരി മകള് തേജസ്വിനി ബാല യാത്രയായി. തേജസ്വിനിയുടെ മൃതദേഹം വ്യാഴാഴ്ച വൈകുന്നേരത്തോടെ സംസ്കരിച്ചു.
വട്ടിയൂര്ക്കാവ് തിട്ടമംഗലത്തുള്ള ലക്ഷ്മിയുടെ കുടുംബവീട്ടുവളപ്പിലാണ് ശവസംസ്കാരച്ചടങ്ങു നടന്നത്. കുഞ്ഞിന്റെ മൃതദേഹം മാതാപിതാക്കളെ കാണിക്കേണ്ടതില്ലെന്ന ഡോക്ടര്മാരുടെ നിര്ദേശത്തെത്തുടര്ന്നാണ് ശവസംസ്കാരം വ്യാഴാഴ്ചതന്നെ നടത്തിയത്.
കുഞ്ഞിന്റെ മൃതദേഹം ബുധനാഴ്ച പോസ്റ്റുമോര്ട്ടം ചെയ്തിരുന്നു. തുടര്ന്ന് എംബാം ചെയ്ത് സൂക്ഷിച്ചിരിക്കുകയായിരുന്നു. ബാലഭാസ്കറിനെയും ഭാര്യയെയും കാണിച്ചതിനു ശേഷം സംസ്കരിക്കാനായിരുന്നു തീരുമാനം. ലക്ഷ്മിക്കു ബോധം തെളിഞ്ഞിരുെന്നങ്കിലും മൃതദേഹം കാണിക്കേണ്ടതില്ലെന്നു തീരുമാനിക്കുകയായിരുന്നുവെന്ന് ബന്ധുക്കളും സുഹൃത്തുക്കളും പറഞ്ഞു.
അതേസമയം, ബാലഭാസ്കറിന്റെ നില മാറ്റമില്ലാതെ തുടരുകയാണ്. ആദ്യത്തെ ശസ്ത്രക്രിയ കഴിഞ്ഞ ശേഷം ഇതുവരെയും ബോധം തെളിഞ്ഞിട്ടില്ല. ബോധം തെളിഞ്ഞ ശേഷമേ തുടര്ശസ്ത്രക്രിയകള് നടത്താനാകൂവെന്ന് ഡോക്ടര്മാര് പറഞ്ഞു.പരിക്കേറ്റു ചികിത്സയില്ക്കഴിയുന്ന ബാലഭാസ്കറിെന്റ ഭാര്യ ലക്ഷ്മിയുടെ ആരോഗ്യസ്ഥിതിയില് നേരിയ മാറ്റമുണ്ടായിട്ടുണ്ട്. കഴിഞ്ഞദിവസം കണ്ണുതുറന്ന ലക്ഷ്മി, മകളെ അന്വേഷിച്ചതായി ബന്ധുക്കളും സുഹൃത്തുക്കളും പറഞ്ഞു. ലക്ഷ്മിയെ ബുധനാഴ്ച കാല്മുട്ടിന്റെ ശസ്ത്രക്രിയയ്ക്കു വിധേയയാക്കിയെന്നും അവര് പറഞ്ഞു.
ചൊവ്വാഴ്ച പുലര്ച്ചെയായിരുന്നു സംഗീതസംവിധായകനും വയലിനിസ്റ്റുമായ ബാലഭാസ്കറും കുടുംബവും സഞ്ചരിച്ച കാര് അപകടത്തില്പ്പെട്ടത്. ബാലഭാസ്കറിന്റെ കുടുംബത്തിനുണ്ടായ ദുരന്തത്തില് പ്രാര്ത്ഥനയോടെ മണിക്കൂറുകള് െചലവിടുകയാണ് സുഹൃത്തുക്കളും ബന്ധുക്കളും. അതിതീവ്രപരിചരണവിഭാഗത്തിനു മുന്നില് നൂറുകണക്കിനു പേരാണ് എത്തിക്കൊണ്ടിരിക്കുന്നത്. ബാലഭാസ്കറിന്റെ സുഷുമ്നാ നാഡിക്കും ശ്വാസകോശത്തിനും തകരാറുണ്ട്. കഴുത്തിലെ കശേരുക്കള്ക്കു ക്ഷതമുണ്ടായതിനെത്തുടര്ന്ന് കഴിഞ്ഞദിവസം ശസ്ത്രക്രിയ നടത്തിയിരുന്നു. സുഷുമ്നാ നാഡിക്കുണ്ടായ ക്ഷതം പരിഹരിക്കുന്നതിനുള്ള ശസ്ത്രക്രിയ പിന്നീടേ ഉണ്ടാകൂ. ശസ്ത്രക്രിയ നടത്താനുള്ള ആരോഗ്യനില ഇപ്പോഴില്ലെന്നാണ് ഡോക്ടര്മാര് പറയുന്നത്
തൃശ്ശൂരില്നിന്നു ക്ഷേത്രദര്ശനം കഴിഞ്ഞ് തിരുവനന്തപുരത്തേക്കു മടങ്ങുമ്പോള് പള്ളിപ്പുറത്തുവച്ചാണ് ബാലഭാസ്കറും കുടുംബവും സഞ്ചരിച്ച കാര് അപകടത്തില്പ്പെട്ടത്. ബാലഭാസ്കറിനെയും ഭാര്യ ലക്ഷ്മിയെയും കൂടാതെ ഡ്രൈവര് അര്ജുനും ആശുപത്രിയില് ചികിത്സയിലുണ്ട്.
https://www.facebook.com/Malayalivartha
