വയോജനങ്ങള്ക്കായി സൗജന്യ മെഡിക്കല് ചെക്കപ്പും അനുബന്ധ പരിശോധനകളും
ലോക വയോജന വാരാചരണത്തോടനുബന്ധിച്ച് സെപ്റ്റംബര് 30ാം തീയതി ഞായറാഴ്ച ഇന്ത്യന് മെഡിക്കല് അസോസിയേഷന് തിരുവനന്തപുരം ശാഖയുടെ ആഭിമുഖ്യത്തില് കിഴക്കേക്കോട്ട ഗാന്ധിപ്പാര്ക്കില് 5 മണിമുതല് വയോജനങ്ങള്ക്കായി സൗജന്യ മെഡിക്കല് ചെക്കപ്പും അനുബന്ധ ആരോഗ്യ പരിശോധനകളും നടത്തുന്നു. മെഡിക്കല് ചെക്കപ്പിനോടൊപ്പം സൗജന്യ പ്രമേഹ ബി.പി. പരിശോധനളുമാണ് നടത്തുന്നത്. ഇതോടൊപ്പം പ്രമുഖ ഡോക്ടര്മാര് പങ്കെടുക്കുന്ന സംവാദം, ജനങ്ങളുടെ സംശയ നിവാരണം, മാജിക് ഷോ തുടങ്ങിയവയുമുണ്ടാകും.
നമ്മുടെ മികച്ച ജീവിതനിലവാരവും ചികിത്സയും കാരണം ആയുര്ദൈര്ഘ്യം കൂടി വരികയാണ്. ഇതോടൊപ്പം വയോജനങ്ങളുടെ എണ്ണവും വര്ധിക്കുന്നു. അതിനാല് തന്നെ വയോജന സംരക്ഷണം സമൂഹത്തിന്റെ ഉത്തരവാദിത്തമാണ്. ഇക്കാര്യത്തില് അവബോധം ഉണ്ടാക്കാന് കൂടിയാണ് ഐ.എം.എ.യും ലോക വയോജന വാരം ആചരിക്കുന്നത്. ഈ പരിപാടിയില് പൊതുജനങ്ങളുടെ സജീവ പങ്കാളിത്തം ഉണ്ടാകണമെന്ന് ഐ.എം.എ. ജില്ലാ പ്രസിഡന്റ് ഡോ. ജോണ് പണിക്കര്, സെക്രട്ടറി ഡോ. ജി.എസ്. വിജയകൃഷ്ണന് എന്നിവര് അഭ്യര്ത്ഥിച്ചു.
"
https://www.facebook.com/Malayalivartha
