സന്നിധാനത്ത് ദര്‍ശനം നടത്തിയ കനകദുര്‍ഗ വല്ലാത്തൊരവസ്ഥയിലാണ്. ഒരാവേശത്തിന് ശബരിമലയില്‍ കയറിയ കനക ദുര്‍ഗയ്ക്ക് ഭര്‍ത്താവിന്റെ വീട്ടില്‍ ഇനി കയറാന്‍ പറ്റുമെന്ന് തോന്നുന്നില്ല. ഒരു കൂട്ടുകുടുംബം തന്നെ വളരെ ആരാധനയോട് കണ്ട 70 വയസുള്ള സുമതിയമ്മയെ തള്ളിയിട്ട് കള്ളക്കഥയുണ്ടാക്കി പോലീസ് കേസില്‍ പെടുത്തിയതോടെ കുടുംബം ഏറെ അമര്‍ഷത്തിലാണ്. ഇനി എന്തുവന്നാലും കനകദുര്‍ഗയെ കയറ്റേണ്ടന്നാണ് ബന്ധുക്കളുടെ തീരുമാനം. വയസാം കാലത്ത് അമ്മയെ ഇങ്ങനെ കേസില്‍പ്പെടുത്തിയതിനാല്‍ നാട്ടുകാര്‍ക്ക് പോലും അമര്‍ഷമുണ്ട്. തിരുവനന്തപുരത്ത് പോകുന്നെന്ന് കള്ളം പറഞ്ഞ് വീട്ടില്‍ നിന്നും ഇറങ്ങിയിട്ട് അവസാനം കണ്ടത് ടിവിയില്‍ ശബരിമലയില്‍ നില്‍ക്കുന്നതാണ്. ഇത് നാട്ടുകാരുടെ ഇടയില്‍ കളിയാക്കലിന് കാരണമായി. ഭാര്യയുടെ കാര്യം ഭര്‍ത്താവിന് പോലും അറിയില്ലേയെന്ന് പലരും കളിയാക്കി. മാത്രമല്ല തികഞ്ഞ വിശ്വാസികളായ തങ്ങള്‍ക്കെതിരെ പ്രതിഷേധക്കാരും രംഗത്തെത്തിയിരുന്നു. ഇതോടെയാണ് കുടുംബം ഒന്നാകെ ചേര്‍ന്ന് ഒരുമാസം കഴിഞ്ഞ് വീട്ടിലെത്തിയ കനക ദുര്‍ഗയെ കയറ്റേണ്ടെന്ന് തീരുമാനിച്ചത്. ഇതോടെ ശബരിമലയില്‍ കയറിയത് മാത്രം മിച്ചമായിരിക്കുകയാണ്. കുടുംബ ജീവിതം വല്ലാത്തൊരവസ്ഥയിലാണ്. ഇത് കനക ദുര്‍ഗയെ അസ്വസ്ഥപ്പെടുത്തുന്നുമുണ്ട്.

അതേസമയം നാട്ടില്‍ പ്രതിഷേധം ശക്തമായതിനെ തുടര്‍ന്ന് കനകദുര്‍ഗയ്ക്ക് ശക്തമായ പൊലീസ് സുരക്ഷ ഏര്‍പ്പെടുത്തി. കോഴിക്കോട് മെഡിക്കല്‍ കോളേജില്‍ കഴിയുന്ന കനക ദുര്‍ഗയ്ക്ക് 61 പേരുടെ പൊലീസ് കാവലാണ് ഉള്ളത്. നോര്‍ത്ത് അസി. കമ്മീഷണര്‍ ഇ.പി പൃഥ്വിരാജിന്റെ മേല്‍നോട്ടത്തില്‍ സ്‌െ്രെടക്കിംഗ് ഫോഴ്‌സുകാര്‍ ഉള്‍പ്പെടെയുള്ളവരെയാണ് ആശുപത്രി വാര്‍ഡിലും പരിസരങ്ങളിലുമായി വിന്യസിച്ചിരിക്കുന്നത്. ചികിത്സ കഴിയും വരെ ഇത് തുടരും. പട്ടിക കൊണ്ട് തലയ്ക്കടിയേറ്റെന്ന് പറഞ്ഞാണ് അവര്‍ കോഴിക്കോട് മെഡിക്കല്‍ കോളേജ് സ്ത്രീകളുടെയും കുട്ടികളുടെയും ആശുപത്രയിലല്‍ പ്രവേശിക്കപ്പെട്ടത്. എന്നാല്‍ സ്‌കാനിംഗില്‍ തലയ്ക്ക് അടിയേറ്റ തരത്തിലുള്ള കാര്യമായ പരുക്കുകളൊന്നും സ്‌കാനില്‍ കണ്ടില്ല.

ഇതോടെ കേസ് കാര്യമായി നിലനില്‍ക്കില്ല. മാത്രമല്ല കേസ് തിരിയുകയാണ്. വന്ധ്യ വയോധികയായ 70 വയസുള്ള സുമുതിയമ്മ കായികബലമുള്ള കനകദുര്‍ഗയെ പട്ടികകൊണ്ട് അടിച്ചെന്ന് പറഞ്ഞതില്‍ അതിശയോക്തി നിലനില്‍ക്കുന്നു. മാത്രമല്ല കൂടെ നിറയെ പോലീസുകാരും ഉണ്ടായിരുന്നു. മാത്രമല്ല വീട്ടില്‍ കയറ്റില്ലെന്ന് പറഞ്ഞ് അമ്മ മുന്നോട്ട് വന്നപ്പോള്‍ കനകദുര്‍ഗയാണ് തള്ളിയിട്ട് തല്ലിയതെന്ന് വീട്ടുകാരും നാട്ടുകാരും പറയുന്നത്. നേരെ എഴുന്നേറ്റ് നില്‍ക്കാന്‍ പോലും ആകാത്ത അമ്മ ഇപ്പോള്‍ ചികിത്സയിലാണ്. അമ്മയുടെ ഈ പരാതിയിലാണ് പോലീസ് കേസെടുത്തത്. വയോജനങ്ങളെ മര്‍ദിക്കുന്നത് അതീവ ഗുരുതര കുറ്റമായതിനാലാണ് പോലീസ് കേസെടുത്തത്. അതിനാല്‍ തന്നെ കേസ് തിരിയുമെന്നാണ് നാട്ടുകാരുടെ വിശ്വാസം. ഇതിന് പിന്നാലെയാണ് വിശ്വാസികളുടെ കട്ട സപ്പോര്‍ട്ടും. കേസ് ഏതറ്റംവരെ പോയാലും അമ്മയ്‌ക്കൊപ്പം നില്‍ക്കുമെന്ന് ശബരിമല കര്‍മ്മ സമിതിയും വ്യക്തമാക്കിയിട്ടുണ്ട്.

ശബരിമല ദര്‍ശനം നടത്തി കനകദുര്‍ഗ അങ്ങാടിപ്പുറത്തെ വീട്ടില്‍ തിരിച്ചെത്തിയപ്പോഴാണ് കൈയാങ്കളിയുണ്ടായത്. ഭര്‍തൃമാതാവ് സുമതിയമ്മപട്ടികക്കഷണംകൊണ്ടു തലയ്ക്കടിച്ചെന്ന് ആശുപത്രിയില്‍വച്ച് കനകദുര്‍ഗ നല്‍കിയ മൊഴിയുടെ അടിസ്ഥാനത്തില്‍ പോലീസ് കേസെടുത്തത്. അതേസമയം കനകദുര്‍ഗ തന്നെ തള്ളിയിട്ട് പരുക്കേല്‍പ്പിച്ചെന്നാരോപിച്ച് സുമതിയമ്മയും ആശുപത്രിയില്‍ ചികിത്സ തേടിയതോടെയാണ് പോലീസ് അന്വേഷിച്ച് കേസെടുത്തത്.

വീട്ടിലെത്തിയ തന്നെ അടുക്കളയില്‍നിന്നു വന്ന സുമതിയമ്മ പട്ടികകൊണ്ടു തലയ്ക്കടിച്ചെന്നാണ് കനകദുര്‍ഗയുടെ മൊഴി. തലകറക്കമുണ്ടായ തന്നെ വീടിനു പുറത്താക്കി വാതിലടച്ചെന്നും അവര്‍ പറഞ്ഞു. വീടിനു കാവലിനായി നിയോഗിച്ചിരുന്ന പോലീസുകാരുടെ സഹായത്തോടെ ഓട്ടോറിക്ഷയില്‍ പെരിന്തല്‍മണ്ണ ജില്ലാ ആശുപത്രിയിലെത്തി. തലയ്ക്കു ക്ഷതമുണ്ടെന്നും ചെവിക്കു പ്രശ്‌നങ്ങളുണ്ടെന്നും കണ്ടെത്തിയതോടെ മഞ്ചേരി മെഡിക്കല്‍ കോളജ് ആശുപത്രിയിലേക്കു കൊണ്ടുപോയി. മഞ്ചേരിയില്‍ ന്യൂറോ സര്‍ജന്‍ ഇല്ലാത്തതിനാല്‍ പിന്നീട് കോഴിക്കോട് മെഡിക്കല്‍ കോളജ് ആശുപത്രിയിലേക്കു റഫര്‍ ചെയ്തത്.

അതേസമയം വീട്ടിലെത്തിയ കനകദുര്‍ഗയെ തടഞ്ഞപ്പോള്‍ തന്നെ തള്ളിവീഴ്ത്തുകയായിരുന്നെന്നു സുമതിയമ്മ പറഞ്ഞു. എഴുന്നേറ്റുവന്ന് കനകദുര്‍ഗയെ തള്ളിപ്പുറത്താക്കി വാതിലടയ്ക്കുകയാണു ചെയ്തതെന്നും അവര്‍ പറഞ്ഞു.

കഴിഞ്ഞ രണ്ടിനാണ് കനകദുര്‍ഗയും ബിന്ദുവും ശബരിമലയില്‍ ദര്‍ശനം നടത്തിയത്. ഹര്‍ത്താലും അക്രമവുമുണ്ടായതോടെ രഹസ്യസങ്കേതത്തിലായിരുന്ന ഇവര്‍ കൊച്ചിയില്‍ 'ആര്‍പ്പോ ആര്‍ത്തവം' പരിപാടിയില്‍ പങ്കെടുത്തിരുന്നു. സപ്ലൈകോയിലെ ജോലിയില്‍ തിരികെ പ്രവേശിക്കാനായാണു വീട്ടിലെത്തിയത്. ലീവ് കഴിഞ്ഞതിനാല്‍ അതിന്റെ പൊല്ലാപ്പ് വേറെയാണ്.