സ്കൂളുകളുടെ യശസ് ഉയര്ത്താന് അംഗപരിമിതരുടെ അക്കൗണ്ടിലൂടെ നൂറുമേനി കൊയ്യാന് ഒരുങ്ങുന്ന സ്കൂളുള്ക്ക് ഇക്കുറി പിടിവീഴും
സ്കൂളുകളുടെ യശസ് ഉയര്ത്താന് അംഗപരിമിതരുടെ അക്കൗണ്ടിലൂടെ നൂറുമേനി കൊയ്യാന് ഒരുങ്ങുന്ന സ്കൂളുള്ക്ക് ഇക്കുറി പിടിവീഴും. തട്ടിക്കൂട്ടി സംഘടിപ്പിക്കുന്ന മെഡിക്കല് സര്ട്ടിഫിക്കറ്റിന്റെ ബലത്തില് സ്ക്രൈബുകളെയും ഇന്റര്പെര്ട്ടറെയും ഉപയോഗിച്ച് പരീക്ഷ എഴുതിപ്പിച്ച് സ്കൂളിന്റെ റിസള്ട്ട് മെച്ചപ്പെടുത്തുന്ന സ്കൂളുകള് അംഗപരിമിതര്ക്കായുള്ള സംസ്ഥാന കമ്മീഷണറേറ്റിന്റെ കര്ശന നിരീക്ഷണത്തിലാണ്.
അംഗപരിമിതര്ക്കായുള്ള സംസ്ഥാന കമ്മീഷണറേറ്റിന്റെ വ്യക്തമായ മാനദണ്ഡങ്ങള് പാലിക്കാതെ അംഗപരിമിതരുടെ അക്കൗണ്ടില് പരീക്ഷക്ക് ഒരുങ്ങുന്നവര്ക്കെതിരെയും നടപടി ഉണ്ടായേക്കും. സ്െ്രെകബുകളെയും ഇന്റര്പെര്ട്ടറെയും ആവശ്യമുള്ളവര് സ്കൂള് പ്രവേശനത്തിന്റെ ആദ്യ മൂന്നു മാസത്തിനുള്ളില് ഇതിനായുള്ള അപേക്ഷകള് സ്കൂളുകളിലും അവിടെ നിന്ന് ബന്ധപ്പെട്ട മറ്റ് വിഭാഗങ്ങളിലും സമര്പ്പിച്ചിരിക്കണം. പിന്നീടുള്ള മൂന്നു മാസക്കാലഗ ഇതിനായുള്ള പരിശോധനകള് നടത്തി അര്ഹതയുള്ളവരാണെന്ന് തെളിയിച്ചിരിക്കണം. അവസാനത്തെ മൂന്നു മാസത്തിനുള്ളില് ഇതിന്റെ സര്ട്ടിഫിക്ക് ഹാജരാക്കിയാല് മാത്രമേ ഇനിമുതല് ഈ സൗകര്യം പരീക്ഷ എഴുതുന്ന വിദ്യാര്ത്ഥികള്ക്ക് ലഭിക്കു.
എസ്.എസ്.എല്.സി പ്ലസ് ടൂ പരീക്ഷ അടുക്കുമ്പോള് വന്തോതില് അംഗപരിമിതരുടെ അപേക്ഷകള് ചില സ്കൂളുകള് സമര്പ്പിക്കുന്നത് ശ്രദ്ധയില്പ്പെട്ടതിനെ തുടര്ന്ന് അംഗപരിമിതര്ക്കായുള്ള സംസ്ഥാന കമ്മീഷണര് ഡോ.ജി. ഹരികുമാറാണ് കര്ശന നിരീക്ഷണത്തിന് നിര്ദേശം പുറപ്പെടുവിച്ചത്. പല സ്കൂളുകളും ഇത്തരം സര്ട്ടിഫിക്കറ്റുകള് തട്ടിക്കൂട്ടി സ്െ്രെകബുകളെയും ഇന്റര്പെര്ട്ടറെയും ഉപയോഗിച്ചും കൂടുതല് സമയം അനുവദിപ്പിച്ചും മിടക്കുകുറഞ്ഞ വിദ്യാര്ത്ഥികള്ക്കും ഉന്നതവിജയം നേടിക്കൊടുക്കുന്നത് സര്ക്കാരിന്റെ ശ്രദ്ധയില്പ്പെട്ടിരുന്നു. ഇതേത്തുടര്ന്നാണ് നടപടി കര്ശനമാക്കുന്നത്.
ഇത്തരം വൈകല്യങ്ങളുള്ള കുട്ടികളിലേറെയും മൂന്നാം ക്ലാസിനുള്ളിലോ എട്ടു വയസിനുള്ളിലോ ഇത് പ്രകടിപ്പിക്കാറുണ്ടെന്ന് ഡോ.ജി. ഹരികുമാര് പറയുന്നു. കഴിഞ്ഞ മധ്യവേനല് അവധിക്കാലത്തില് സംസ്ഥാനത്തെ രണ്ടു ലക്ഷത്തോളം അധ്യാപകര്ക്ക് ഇത്തരക്കാരെ തിരിച്ചറിയുന്നതു സംബന്ധിച്ച് ആവശ്യമായ പരിശീലനം നല്കിയിരുന്നു. ശശശുരോഗ വിദ്ഗധര് ഉള്പ്പെടെ 700 ഓളം ഡോക്ടര്മാരുടെ സഹായത്താല് 1200 സെന്ററുകളില് 2000 ക്ലാസുകള് സംഘടിപ്പിച്ചാണ് പരിശീലനം നല്കിയിരുന്നത്. അംഗപരിമിതരെയും ഭിന്നശേഷിക്കാരെയും മറ്റ് പഠന വൈകല്യമുള്ളവരെയും കണ്ടെത്താന് ഈ വര്ഷം മുതല് സംസ്ഥാനത്തെ സി.ബി.എസ്.സി, ഐ.സി.എസ്.ഇ , ഐ.എസ്.സി തുടങ്ങി എയ്ഡഡ്അണ്എയിഡഡ് മേഖലകളിലെ മുഴുവന് സ്കൂളുകളിലെയും അധ്യാപകര്ക്കും പരിശീലനം നല്കും.
"
https://www.facebook.com/Malayalivartha
