പിന്നാക്ക പട്ടിക വിഭാഗങ്ങള്ക്ക് കേരള അഡ്മിനിസ്ട്രേറ്റീവ് സര്വീസിന്റെ മൂന്നു സ്ട്രീമിലും സംവരണം ഏര്പ്പെടുത്തുമെന്ന് മന്ത്രി എ.കെ ബാലന്
പിന്നാക്ക പട്ടിക വിഭാഗങ്ങള്ക്ക് കേരള അഡ്മിനിസ്ട്രേറ്റീവ് സര്വീസിന്റെ മൂന്നു സ്ട്രീമിലും സംവരണം ഏര്പ്പെടുത്താന് തീരുമാനിച്ചതായി മന്ത്രി എ.കെ ബാലന്. മുഖ്യമന്ത്രിയുമായി നടത്തിയ ചര്ച്ചയില് സംവരണത്തില് ഉറപ്പുവരുത്തുമെന്ന് അദ്ദേഹം അറിയിച്ചതായും എ.കെ ബാലന് വാര്ത്താസമ്മേളനത്തില് പറഞ്ഞു. രണ്ടും മൂന്നും സ്ട്രീമില് സംവരണമില്ലെന്നായിരുന്നു ആരോപണം. മൂന്നു സ്ട്രീമിലും സംവരണം ഉറപ്പു വരുത്തുന്നതിനായി ചട്ടങ്ങളില് ഭേദഗതി വരുത്തുമെന്ന് മന്ത്രി വാര്ത്താസമ്മേളനത്തില് അറിയിച്ചു.
മുന്നാക്ക വിഭാഗത്തില് സാമ്പത്തികമായി പിന്നാക്കം നില്ക്കുന്നവര്ക്ക് സംവരണം നല്കുന്നതിന് വേണ്ട നടപടികള് ചെയ്യും. 10 ശതമാനം വരെ എന്നാണ് കേന്ദ്രസര്ക്കാര് ഉത്തരവില് പറയുന്നത്. ഇത് എത്ര ശതമാനമെന്ന് നിജപ്പെടുത്തും.
സംവരണ ഭേദഗതി ആക്റ്റില് വരുമാന പരിധി വ്യക്തമാക്കിയിട്ടില്ല. ഇതെല്ലാം തീരുമാനിച്ച് മുന്നാക്ക സമുദായത്തില് താഴെ തട്ടിലുള്ളവര്ക്ക് അര്ഹമായ സംവരണം ഉറപ്പുവരുത്തുമെന്നും മന്ത്രി വ്യക്തമാക്കി. സംവരണ വ്യവസ്ഥകള് ഒഴിവാക്കി കെ.എ.എസിന്റെ അന്തിമ ഉത്തരവ് സര്ക്കാര് പുറത്തിറക്കിയിരുന്നു. സംവരണം ഒരു സ്ട്രീമില് മാത്രമൊതുക്കിയത് വിവാദമായതിനെ തുടര്ന്നാണ് ഭേദഗതി വരുത്താന് സര്ക്കാര് തയ്യാറായത്
അന്തിമ ഉത്തരവില് സര്ക്കാര് ജീവനക്കാരില് നിന്ന് കെ.എ.എസിലേക്ക് പ്രവേശനം കിട്ടുന്ന രണ്ട് സ്ട്രീമുകളില് സംവരണം പൂര്ണമായി ഒഴിവാക്കിയിരുന്നു. സര്ക്കാര് ജീവനക്കാരില് ഗസറ്റഡ് ഒഴികെ ഉള്ളവര്ക്ക് അവസരം നല്കുന്ന സ്ട്രീം രണ്ടില് നേരത്തേ പുറത്തിറക്കിയ കരടുകളിലെല്ലാം സംവരണം ഉറപ്പാക്കിയിരുന്നു. അവസാനത്തെ കരടില്നിന്ന് സംവരണം ഒഴിവാക്കിയെങ്കിലും ഡയറക്ട് റിക്രൂട്ട്മന്റെ് എന്ന് വ്യക്തമാക്കിയിരുന്നു. എന്നാല്, അന്തിമ ഉത്തരവില് ഇത് ഒഴിവാക്കി ബൈട്രാന്സ്ഫര് എന്നാക്കി മാറ്റുകയാണുണ്ടായത്. ഗസറ്റഡ് ജീവനക്കാര്ക്കുള്ള സ്ട്രീം മൂന്നില് പിന്നാക്കപട്ടിക വിഭാഗങ്ങള്ക്ക് സംവരണമോ വയസ്സിളവോ ഇല്ലെന്നായിരുന്നു വ്യവസ്ഥ.
https://www.facebook.com/Malayalivartha
