തല്ക്കാലം പൊലീസിന് മുന്നില് ഹാജരാകാന് നിവൃത്തിയില്ലെന്ന് സുരേഷ് കല്ലട; ഉയര്ന്ന രക്ത സമ്മര്ദ്ദത്തെ തുടര്ന്ന് തിരുവനന്തപുരത്തെ ആശുപത്രിയില് ചികിത്സയിലാണെന്ന് വിശദീകരണം
കല്ലട ബസില് യാത്രക്കാരെ മര്ദിച്ച സംഭവത്തില് ബസ് ഉടമ സുരേഷ് കല്ലട ചോദ്യം ചെയ്യലിനായി ഇന്നും പൊലീസിന് മുന്നില് ഹാജരാകില്ല. ആരോഗ്യകാരണങ്ങള് പറഞ്ഞാണ് ഒഴിഞ്ഞുമാറാനാണ് ശ്രമം. ഉയര്ന്ന രക്ത സമ്മര്ദ്ദത്തെ തുടര്ന്ന് തിരുവനന്തപുരത്തെ ആശുപത്രിയില് ചികിത്സയിലാണെന്നാണ് സുരേഷ് നല്കിയ വിശദീകരണം. മെഡിക്കല് സര്ട്ടിഫിക്കറ്റ് ഹാജരാക്കണമെന്ന് പൊലീസ് നിര്ദേശം നല്കി. എന്നാല് ഇതില് സുരേഷ് മറുപടി നല്കിയിട്ടില്ല.
യാത്രക്കാരെ മര്ദിച്ച സംഭവത്തില് ഇന്ന് കേസ് അന്വേഷിക്കുന്ന തൃക്കാക്കര അസിസ്റ്റന്റ് കമ്മീഷണര്ക്ക് മുമ്ബാകെ ഹാജരാകാനായിരുന്നു നിര്ദേശം നല്കിയത്. ഇന്നുകൂടി ഹാജരായില്ലെങ്കില് കല്ലട സുരേഷിനെതിരെ പൊലീസിന്റെ ഭാഗത്തുനിന്നും കടുത്ത നടപടി ഉണ്ടായേക്കുമെന്ന് സൂചനയുണ്ട്. സുരേഷിന് സംഭവത്തില് പങ്കുണ്ടോയെന്ന് കണ്ടെത്താനാണ് പൊലീസിന്റെ ശ്രമം. കല്ലട സുരേഷിന്റെ ഉടമസ്ഥതയിലുള്ള ട്രാവല്സിന്റെ ഓഫീസില് നടത്തിയ റെയ്ഡില് വന് ക്രമക്കേട് പൊലീസ് കണ്ടെത്തിയിരുന്നു. അതേ സമയം വിവിധ നിയമലംഘനങ്ങള്ക്ക് കല്ലടക്ക് ഒന്നേകാല് ലക്ഷം രൂപ പിഴ ചുമത്തി.
https://www.facebook.com/Malayalivartha
