ഹോട്ടലിലെ മോഷണത്തിനിടെ ഒരു മുട്ട പൊട്ടിച്ച്‌ കുടിച്ചിരുന്നു. മുട്ട കഴിക്കുമ്ബോള്‍ ഗ്ലൗസ് ധരിച്ചിരുന്നില്ല. വിരലടയാളം മുട്ടത്തോടില്‍ നിന്ന് പൊലീസിന് ലഭിച്ചതോടെ അതിനു പിന്നിൽ ഫക്രുദ്ദീനാണെന്ന് തിരിച്ചറിയുകയായിരുന്നു. മോഷ്ടിക്കുന്ന പണം കള്ളു കുടിക്കാനും ധൂര്‍ത്തടിക്കാനുമാണ് ഇയാള്‍ ചെലവഴിക്കുന്നതെന്ന് പൊലീസ് പറഞ്ഞു.

പത്തനംതിട്ട,​ പാലക്കാട്,​തൃശൂര്‍,​ ആലപ്പുഴ,​കണ്ണൂര്‍ ജില്ലകളിലെ ആരാധനാലയങ്ങളും വ്യാപാര കേന്ദ്രങ്ങളും കേന്ദ്രീകരിച്ച്‌ മോഷണം നടത്തുന്നയാളാണ് തൃശൂര്‍ സ്വദേശി കെ.കെ ഫക്രുദ്ദീന്‍ .റാന്നിയിലെ പച്ചക്കറിക്കടയില്‍ നിന്ന് കഴിഞ്ഞാഴ്ച അമ്ബതിനായിരം രൂപ മോഷണം പോയിരുന്നു. ചില ആരാധനാലയങ്ങളിലും മോഷണം നടന്നിരുന്നു.സംശയാസ്പദമായ സാഹചര്യത്തില്‍ ഇയാളെക്കണ്ട പൊലീസ് അറസ്റ്റ് ചെയ്യുകയായിരുന്നു.