ആശങ്കയോടെ പ്രവാസികള്... കേരളത്തില് നിന്നുള്ള വിമാനടിക്കറ്റ് നിരക്കില് വന് വര്ദ്ധനവ്.... ഗള്ഫിലെ പ്രധാന നഗരങ്ങളിലേക്കുള്ള ടിക്കറ്റുകള്ക്ക് നാലിരട്ടിവരെ വര്ദ്ധിപ്പിച്ചു
കേരളത്തില്നിന്നുള്ള വിമാന ടിക്കറ്റ് നിരക്കില് വന്വര്ധന വരുത്തി വിമാനക്കമ്പനികള്. ഓഗസ്റ്റ് അവസാനവാരം മുതല് ഗള്ഫിലെ പ്രധാന നഗരങ്ങളിലേക്കുള്ള ടിക്കറ്റുകള്ക്ക് നാലിരട്ടിവരെ വര്ദ്ധിപ്പിച്ചു. ദമാം, കുവൈത്ത് എന്നിവിടങ്ങളിലേക്ക് ഒരു ലക്ഷത്തിനടുത്താണ് ചില കമ്പനികളുടെ ടിക്കറ്റ് നിരക്ക്.ദുബായ്, അബുദാബി, ഷാര്ജ, ദോഹ, ബഹ്ൈറന് തുടങ്ങിയ സ്ഥലങ്ങളിലേക്കും ഇപ്പോള് കൊള്ളനിരക്കാണ് ഈടാക്കുന്നത്.
സാധാരണ ശരാശരി 5000 മുതല് 12,000 രൂപ വരെയുള്ള ടിക്കറ്റുകള്ക്കാണ് അധികനിരക്ക് ഈടാക്കുന്നത്.അടുത്തമാസമാണ് ഗള്ഫ് രാജ്യങ്ങളില് അവധിക്കാലം കഴിഞ്ഞ് സ്കൂളുകള് തുറക്കുന്നത്. ഈ സമയത്ത് നാട്ടില്നിന്നു മടങ്ങുന്നവരെയും പെരുന്നാള് കഴിഞ്ഞശേഷം ജോലിക്കു പോകുന്നവരെയും സാരമായി ബാധിക്കുന്നതാണ് ഇപ്പോഴത്തെ വര്ധന. സെപ്റ്റംബറില് ഓണക്കാലമായതിനാല് നിരക്കുവര്ധന തുടരാനാണ് സാധ്യത.എയര്ഇന്ത്യ എക്സ്പ്രസും നിരക്ക് കൂട്ടിയിട്ടുണ്ട്. യൂറോപ്പ്, അമേരിക്ക തുടങ്ങിയ സ്ഥലങ്ങളിലേക്കുള്ള ടിക്കറ്റ് നിരക്കും വര്ധിച്ചിട്ടുണ്ട്.
ലോകത്തിന്റെ പ്രധാന സ്ഥലങ്ങളിലേക്ക് ദുബായ് വഴിയാണ് കേരളത്തില്നിന്ന് കൂടുതല് സര്വീസുള്ളത്. വിദേശകാര്യസഹമന്ത്രിയായി ചുമതലയേറ്റശേഷം വി. മുരളീധരന്റെ നേതൃത്വത്തില് ഗള്ഫിലേക്കുള്ള ടിക്കറ്റ് നിരക്ക് കുറയ്ക്കുന്നതുമായി ബന്ധപ്പെട്ട് വിമാനക്കമ്പനി അധികൃതരുമായി ചര്ച്ച നടത്തിയിരുന്നു. പെരുന്നാളിനായി നാട്ടിലെത്തിയവരും സ്കൂള് അവധിക്കാലത്ത് എത്തിയവരും തിരികെ പോകുന്നതോര്ത്ത് വളരെ ആശങ്കയിലാണ്.
https://www.facebook.com/Malayalivartha
