സംസ്ഥാനത്തെ പൊലീസിന് ഇനി ആശ്വസിക്കാം ഇനി മുതല്‍ എല്ലാ പൊലീസ് സ്റ്റേഷനുകളിലും രണ്ടു വാഹനങ്ങള്‍ വീതം ഉണ്ടാകും. ഇതിന്റെ ഭാഗമായി 202 പുതിയ വാഹനങ്ങള്‍ പൊലീസ് സ്റ്റേഷനുകള്‍ക്ക് കൈമാറി. ഒരു വാഹനം മാത്രമുള്ള സ്റ്റേഷനുകള്‍ക്കാണ് നിലവില്‍ പുതിയ ജീപ്പുകള്‍ അനുവദിച്ചിട്ടുള്ളത്. പേരൂര്‍ക്കട എസ്.എ.പി പരേഡ് ഗ്രൗണ്ടില്‍ നടന്ന ചടങ്ങില്‍ അഡീഷണല്‍ ചീഫ് സെക്രട്ടറി ഡോ.വിശ്വാസ് മേത്ത, സംസ്ഥാന പോലീസ് മേധാവി ലോക്നാഥ് ബെഹ്റ, മുഖ്യമന്ത്രിയുടെ പോലീസ് ഉപദേശകന്‍ രമണ്‍ ശ്രീവാസ്തവ, മറ്റ് മുതിര്‍ന്ന പോലീസ് ഉദ്യോഗസ്ഥര്‍ തുടങ്ങിയവര്‍ ചടങ്ങില്‍ പങ്കെടുത്തു.സംസ്ഥാന സര്‍ക്കാര്‍ 202 പുതിയ ബൊലേറോ ജീപ്പുകളാണ് പൊലീസ് സേനയ്ക്കായി വാങ്ങിയത്.
സ്റ്റേറ്റ് പ്ലാന്‍ സ്‌കീമില്‍ ഉള്‍പ്പെടുത്തി സര്‍ക്കാര്‍ അനുവദിച്ച 16 കോടി രൂപ ചിലവഴിച്ചാണ് വാഹങ്ങള്‍ വാങ്ങിയത്. എല്ലാ പൊലീസ് സ്റ്റേഷനുകളിലും കുറഞ്ഞത് രണ്ട് വാഹനങ്ങള്‍ ഉറപ്പാക്കുക എന്നതാണ് സര്‍ക്കാരിന്റെ ലക്ഷ്യം.